АБНА24 Хәбәр Верир, Түркијәнин Хариҹи Ишләр Назирлији бир бәјанатда иддиа едиб ки, нараһатлыглары билдирмәк үчүн башга васитәләр олдуғу һалда, Иранын хариҹи ишләр назири "Тwиттер" васитәсилә Түркијәни һәдәфә алыб. Әрдоғанын нормадан кәнар вә мүдахилә характерли сөзләри бүтүн иранлыларын ҝениш реаксијасы илә үзләшиб вә иранлылар јекдилликлә ону кәскин шәкилдә гынајыбыар. Иран Ислам Республикасы хариҹи ишләр назири Түркијә президентинин Бакыдакы ачыгламаларына реаксија олараг, бир твитдә јазыб: "Һеш ким бизим әзиз Азәрбајҹанымыз һаггында даныша билмәз". Мәһәммәд Ҹавад Зәриф вурғулајыб: "Әрдоғана демәјибләр ки, Бакыда сәһв охудуғу бир шеир, Аразын шимал бөлҝәләринин өз доғма торпаглары олан Иранла зорла ајрылмасындан бәһс едир!". "Азәрбајҹан Республикасынын суверенлијинә зәрәр вердијинин фәргиндә дејилми", - дејә Зәриф әлавә едиб. Иранын Хариҹи Ишләр Назирлијинин мәтбуат катиби Сәид Хәтибзадә дә дејиб: "Декабрын 10-да Түркијә сәфири Аврасија мәсәләләри үзрә баш директор вә назир мүавини тәрәфиндә Хариҹи Ишләр Назирлијинә чағырылыб вә она кәскин етираз билдириләрәк, вурғуланыб ки, Иран Ислам Республикасы Түркијә һөкумәтинин дәрһал изаһат вермәсини тәләб едир". Гејд едәк ки, Түркијә президенти Рәҹәб Тајјиб Әрдоған Ермәнистанын ишғал етдији әразиләрин азад едилмәси мүнасибәтилә кечирилән Азәрбајҹан Республикасы силаһлы гүввәләринин һәрби парадында иштирак етмәк үчүн декабрын 9-да Бакыја сәфәр едиб. Азәрбајҹан президенти Илһам Әлијевин дә иштирак етдији бу мәрасимдә Әрдоған Иран вә Азәрбајҹан Республикасы сәрһәддиндә јерләшән Араз чајы һаггында сепаратчы чағырышлара јер верән бир бејт шеир охујуб.
342/
