АБНА24 Хәбәр Верир, Иран Ислам Республикасынын президенти Һәсән Руһани ҹүмә ахшамы ҝүнү Хаф-Һәрат дәмирјолунун рәсми шәкилдә истифадәјә верилмәси мәрасиминдә Әфганыстанын президенти вә халгына мүраҹиәт едәрәк, дејиб: Бу ҝүн, бөјүк Әфганыстан вә Иран халглары үчүн ачылыш ҝүнүдүр. Бир көк, бир тарих, бир мәдәнијјәт вә бир бөлҝәдән олан ики халг тарих боју өз гардашлығы вә гоншулуғуну бир-биринин ән јахшы көмәкчиси кими горујуб сахлајыбдыр. Әфганыстан президенти Мәһәммәд Әшрәф Гәни дә Хәф-Һәрат дәмирјолунун ачылышы мәрасиминдә бу лајиһәни һәр ики өлкә үчүн тарихи вә һәјати адландырыб вә белә сөјләјиб: Бу мүһүм рејсин ачылмасы ҝәләҹәк игтисади рифаһа чатма вә реҝионал говушма саһәсиндә һәр ики өлкәнин јорулмаз сәјләринин нәтиҹәсидир. Хаф-Һәрат дәмирјолунун истифадәјә верилмәси дәмирјолу шәбәкәсинин инкишафында мүһүм аддым сајылыр. Белә ки, бу рејс өлкәнин шәрг һиссәсинин инкишафы илә јанашы, Иранын Авропа илә Асија арасында әмтәә мал транзитиндәки пајыны артыра вә Иран Ислам Республикасынын шәрг-гәрб коридорларындакы мөвгејини ҝүҹләндирә биләр. Иранын бөлҝәдәки гоншулары илә алтынҹы сәрһәд дәмирјолу рејси кими Хаф-Һәрат дәмирјолунун иншасы мүһүм инфраструктур лајиһәләрдән олараг, Иран вә Әфганыстанын инкишафлары вә игтисадијјатларында олдугҹа бөјүк рола малик олаҹагдыр.
342/
