АБНА24 Хәбәр Верир, бу ҝөрүшдә гаршылыглы әлагәләр илә јанашы Суријанын сон вәзијјәти, реҝионал вә глобал мәсәләләр дә мүзакирә едилиб. Иранын Милли Тәһлүкәсизлик Али Шурасынын катиби Әли Шәмхани икитәрәфли ҝөрүшдә, Иран илә Сурија арасындакы јүксәк сәвијјәли стратежи әлагәләрә тохунараг, Суријанын сионист режимин ишғалшылығы вә експансионист сијасәтинә гаршы мүбаризәдәки ваҹиб ролуну јүксәк гијмәтләндириб вә Теһран илә Дәмәшг арасындакы әлагәләрин инкишаф етдирилмәси ваҹиблијини олдуғуну вурғулајыб. Шәмхани, АБШ-ын Суријада олмагла бу өлкәнин нефтини талан етмәји, сионист режимин тәһлүкәсизлијини тәмин етмәји вә ИШИД-ин бөлҝәдәки террор өзәкләрини ҝүҹләндирмәји вә јајмағы һәдәфләдијини бәјан едәрәк, дејиб: "АБШ-ын реҝиондакы шәр варлығына сон гојулмалыдыр". Шәмхани ишғалчы сионист режимин варлығынын сәбәби вә јашамаг сирринин инсан һагларыны позмаг вә террору ҝенишләндирмәк олдуғуна тохунараг, дејиб: "Бејнәлхалг иҹтимаијјәт сакит вә тәһлүкәсиз бир дүнја јаратмаг үчүн бу гәддар вә гејри-инсани режимин һәрәкәтләринә гәтијјәтлә гаршы чыхмалыдыр". "Сионист Исраил режими олмадан дүнја даһа тәһлүкәсиз олаҹагдыр", - дәјә о, гејд едиб. Иранын Милли Тәһлүкәсизлик Али Шурасынын катиби реҝионун бәзи әрәб өлкәләринә хитабән дејиб: "Рәзилликлә гондарма сионист режимлә мүнасибәтләрини нормаллашдыран вә АБШ-ын реҝиондакы планларына хидмәт едән бәзи өлкәләрин башчыларынын агибәти Гәддафи вә Өмәр әл-Бәширин талејиндән даһа фәргли олмајаҹаг". Шәмхани, Сурија халгынын вә һөкумәтинин иврит-ИШИД терроризми вә тәҹавүзү гаршысында мүгавимәтини јүксәк дәјәрләндирәрәк, вурғулајыб: "Иран Ислам Республикасы һеч вахт тәҹавүз вә терроризмә гаршы мүбаризәдә Сурија халгыны вә һөкумәтини тәк гојмајаҹаг". Фајсал Мигдад бу ҝөрүшдә, Иран Ислам Республикасынын терроризм вә сионист режимлә мүбаризәдә Суријаја вердији һәртәрәфли дәстәјә ҝөрә тәшәккүр едиб вә вурғулајыб: "Сурија һөкумәти вә халгы һеч вахт шәһид Гасим Сүлејманинин рәһбәрлик етдији Иран командирләри вә әсҝәрләринин фәдакарлыглары вә ҹанфәшанлыгларыны унутмајаҹаг." О, Теһран-Дәмәшг мүнасибәтләринин чох јахшы сәвијјәдә олдуғуну билдириб вә өлкәсинин Иранла әлагәләрини бүтүн саһәләр үзрә даһа да инкишаф етдирмәк истәдијини сөјләјиб. Гејд едәк ки, Суријанын јени сечилмиш хариҹи ишләр назири Фејсәл Әл- Мигдад иранлы һәмкары Мәһәммәд Ҹавад Зәриф вә Иран Ислам Республикасынын диҝәр рәсмиләри илә ҝөрүшмәк үчүн Теһранда рәсми сәфәрдәдир.
342/
