АБНА24 Хәбәр Верир, Ислам Ингилабынын Бөјүк Рәһбәри Һәзрәт Ајәтуллаһулузма Хаменеи бу ҝүн үч һакимијјәтин башчылары, һәмчинин Али Игтисади Координасија Шурасынын диҝәр үзвләрилә ҝөрүшдә санксијалары Американын вә онун авропалы шәрикләринин Иран халгына гаршы ҹинајәти вә аҹы бир ҝерчәклик адландырыб вә белә гејд едибләр: Бу ҹинајәт илләр бојудур ки, Иран халгына гаршы төрәдилир, амма сон үч илдә даһа да шиддәтләнибдир. Һәзрәт Ајәтуллаһулузма Хаменеи санксијалары тәсирдәнсалма вә онлар үзәриндә гәләбә јолуна ишарә едәрәк, дејибләр: Бу јол ишин әввәлиндә чәтинликләр вә проблемләрлә малик ола биләр, амма сәј, тәшәббүс вә проблемләрә синә ҝәрмәклә бу санксијалар үзәриндә гәләбә чалмаг олар вә гаршы тәрәф санксијаларын тәсирдән дүшдүкләрини ҝөрәрәк, тәдриҹән санксијадан әл чәкәҹәкдир. О һәзрәт хариҹдән бир ачылышын олмајаҹағыны әсас ҝөтүрмәјин лазым олдуғуну билдирәрәк, вурғулајыблар: Бәзиләринин үмид ҝөзү илә бахдыглары кәсләрин дахили шәраити һеч бир вәҹһлә ајдын дејилдир вә онларын сөзләринә әсасланыб, тәдбир төкмәк олмаз. Һәзрәт Ајәтуллаһулузма Хаменеи һәмчинин үч Авропа өлкәсинин сон ҹәфәнҝијјатларына ишарә едәрәк, сөјләјибләр: Онлар, өзләринин реҝион мәсәләләринә ән чох гејри-дүзҝүн мүдахиләләринә рәғмән, Ирана дејирләр ки; «реҝиона мүдахилә етмәјин». Инҝилтәрә вә Франсанын дағыдыҹы атом силаһларына малик олдуглары, Алманијанын да бу јолда гәрар тапдығы бир һалда, Иран Ислам Республикасына дејирләр ки, ракетиниз олмасын.
342/
