АБНА24 Хәбәр Верир, Иран Ислам Республикасы президент администрасијасынын стратежи арашдырмалар мәркәзинин директору Азәрбајҹан Республикасы вә Ермәнистан сәфирләри илә ајры-ајры ҝөрүшләрдә реҝионданкәнар ҝүҹләрин Гарабағ бөһранынын һәллинә гарышмамалары зәрурилијини вурғулајыб. Азәрбајҹан Республикасы вә Ермәнистанын Теһрандакы сәфирләри Бүнјад Һүсејнов вә Арташес Туманјан ики өлкә арасындакы атәшкәс разылашмасынын иҹрасы илә бир заманда Иран Ислам Республикасы президент администрасијасынын стратежи арашдырмалар мәркәзиндә олублар. Сәфирләр мәркәзин директору Һесамәддин Ашена вә Гафгаз даирәси үзрә бир груп експертлә ҝөрүшәрәк, онларла икитәрәфли вә реҝионал әмәкдашлыгларын ҝүҹләндирилмәси вә сүлһ перспективи әтрафында данышыблар. Һесамәддин Ашена һәмин ҝөрүшләрдә Иранын Гарабағ бөһранынын һәллинә реҝионданкәнар ҝүҹләрин мүдахилә етмәмәләри зәрурәти вә тәрәфсизлијин горунмасы үзрә принсипиал мөвгеләринә тәкидлә бејнәлхалг ганунлара һөрмәт едилмәси, ермәни вә азәри тәрәфләрин атәшкәсә сәдагәтләри вә бу мүнагишәјә сон гојулмасы истигамәтиндә һәлл јолунун ахтарышы үзрә сәјин ҝөстәриллмәсини истәјиб. Иран Ислам Республикасы президент администрасијасынын стратежи арашдырмалар мәркәзинин директору атәшкәсә сәдагәт вә мүһарибәнин төрәтдији харабалыгларын бәрпасы зәрурәтинә ишарә илә үмидварлыг едибдир ки, Иран Ислам Республикасы гаршылыглы мараглар истигамәтиндә Азәрбајҹан Республикасы вә Ермәнистанла икитәрәфли һәмкарлыгларын дәринләшдирилмәси вә сүлһүн ҝүҹләндирилмәсинә көмәк едә биләҹәк. Азәрбајҹан Республикасы вә Ермәнистан сәфирләри дә Иранла тарихи-мәдәни бағлылыгларын өнәмини вурғулајараг, әлагәләрин һәртәрәфли инкишафына мараглы олдугларыны ифадә едибләр.
342/
