АБНА24 Хәбәр Верир, Иран Ислам Республикасы президенти Һәсән Руһани Түркијә президенти Рәҹәб Тајјиб Әрдоғана үнванладығы бир мүраҹиәтдә, Түркијәнин Измир шәһәриндә баш верән вә инсан тәләфаты вә дағынтыларла нәтиҹәләнән дәһшәтли зәлзәләдән тәәссүфләндијини билдирәрәк, Аллаһ тәаладан һәлак оланларын аиләләринә сәбир, јаралылара исә тәҹили шәфа диләјиб". Руһани, һәмчинин Иран Ислам Республикасы һөкумәтинин зәрәрчәкмишләрә һәртәрәфли јардым ҝөстәрмәјә һазыр олдуғуну билдирәрәк, тезликлә тәсирләнән бөлҝәләрдә тәһлүкәсиз шәраитин бәрпа едилмәсинә үмидварлыг ифадә едиб. Ејни заманда Иранын Бөһраны Идарәетмә Тәшкилатынын сәдри Исмаил Нәҹҹар да Түркијәнин Фөвгәладә Һаллар Идарәсинин сәдри Һиммәт Ҝүлоғлуна үнванладығы бир мүраҹиәтдә бу өлкә вәтәндашларындан бир групунун һәлак олмасы вә јараланмасы мүнасибәтилә башсағлығы верәрәк, Иранын һадисә јеринә тибби, хиласедиҹи вә мүтәхәссис бригадалары ҝөндәрмәјә һазыр олдуғуну билдириб. Бундан әввәл, Иранын хариҹи ишләр назири Мәһәммәд Ҹавад Зәриф, сәһијјә, мүалиҹә вә тибби тәһсил назири Сәид Нәмәки вә Иран Ислам Шурасы Мәҹлисинин сәдри Мәһәммәд Багир Галибаф түркијәли һәмкарларына ајры-ајры мүраҹиәтләрдә, бу өлкә халгына башсағлығы верибләр. Гејд едәк ки, Түркијәнин гәрбиндә јерләшән Измир шәһәриндә дүнән 6.6 бал ҝүҹүндә зәлзәлә баш вериб, зәлзәлә нәтиҹәсиндә јашајыш евләринә ҹидди зијан дәјиб. Верилән мәлумата ҝөрә, бу һадисәдә индијәдәк 39 нәфәр һәјатыны итириб, 885 нәфәр исә хәсарәт алыб.
342/
