Әһли Бејт - АБНА – Хәбәр Аҝентлијинин вердији хәбәрә әсасән, Азәрбајҹанда дини фанатизм вә дини дүшмәнчилик зәмининдә һакимијјәтин зорла әлә кечирилмәси, конститусија гурулушунун зорла дәјишдирилмәси вә әрази бүтөвлүјүнүн парчаланмасына хүсуси ҹәзалар, о ҹүмләдән өмүрлүк һәбс ҹәзасы тәтбиг олунур.
Милли Мәҹлисдән АПА-ја верилән мәлумата ҝөрә, Азәрбајҹан президентинин тәгдиматы илә бунунла бағлы Ҹинајәт Мәҹәлләсинә јени 278.2 маддәсинин салынмасы тәклиф олунур.
Лајиһәјә әсасән, Азәрбајҹан Республикасынын конститусија гурулушунун, о ҹүмләдән онун дүнјәви характеринин зорла дәјишдирилмәсинә вә ја әрази бүтөвлүјүнүн парчаланмасына, јахуд һакимијјәтин зорла әлә кечирилмәсинә јөнәлән һәрәкәтләрин дини дүшмәнчилик, дини радикализм вә ја дини фанатизм зәмининдә төрәдилмәси 15 илдән 20 иләдәк мүддәтә азадлыгдан мәһрум етмә вә ја өмүрлүк азадлыгдан мәһрум етмә илә ҹәзаландырылыр.
Лајиһә Милли Мәҹлисә тәгдим олунуб вә нөвбәти иҹласда мүзакирәјә чыхарылаҹаг.
Диггәт: Хәбәрдән истифадә етдикдә мәнбәјә истинад лазымдыр
