Әһли Бејт - АБНА – Хәбәр Аҝентлијинин вердији хәбәрә әсасән, 1965, 4 Августа гәдим Губа шәһәриндә танынмыш вә савадлы бир аиләдә дүнјаја ҝөз ачмыш Азәрбајҹан Ислам Партијасынын мәһбәсдәки сәдри Һаҹы Мөвсүм Сәмәдовун бу ҝүн 51 јашы тамам олур. Доғум ҝүнү мүнасибәти илә Доктор М. Сәмәдову партија функсионерләри, әгидә достлары, сијаси гурумун бүтүн үзвләри башда АИП сәдр әвәзи Һаҹы Илһам Әлијев олмагла тәбрик едирләр.
Тәбрикдә дејилир: "АИП лидери Һаҹы Мөвсүм Сәмәдову ад ҝүнү мүнасибәти илә сәмими гәлбдән тәбрик едирик. Һаҹыја Аллаһ Тәаладан мөһкәм ҹан сағлығы, тутдуғу дүз вә һагг јолунун ән уҹа зирвәсинә јүксәлмәјини диләјирик. Әгидәсиндән һеч заман дөнмәјән, халгыны, вәтәнини, торпағыны вә динини ҹанындан әзиз тутан гардашымыз!
Бу ҝүн Азәрбајҹан халгы сизинлә фәхр етмәли, гүрур һисси кечирмәлидир. Сарсылмаз ирадәниз, һаггы батилдән ајыран тәфәккүрүнүз, зүлмүн гаршысында баш әјмәмәк вә залымларын вәрдишләрини һәмишә тәнгид етмәк хүсусијјәтинә малик олмағыныз сағлам ҹәмијјәт үзвләринин гәлбиндә сизә олан һөрмәт вә мәһәббәти ҝүнү-ҝүндән артырыр. Биз Исламчылар да һәмчинин бу фәхарәт һиссини јашајырыг.
Иҹтимаи һәјатда сијаси фәалијјәтә башладығыныз ҝүндән индијә кими һәр ан ҹәмијјәтин бүтүн үзвләринә вәтәнимиз Азәрбајҹаны, онун һәр гарыш тиорпағыны севмәји, вәтән, намус вә динимиз уғрунда ҹанларындан кечмәк ирадәсинә малик олмағы тәлгин вә тәблиғ етмисиниз. Арханызҹа ҝәлән инсанлар сизин ҝетдијиниз јолун һагг вә әдаләт јолу олдуғуна әминдирләр.
Ҝүнләр, ајлар, илләр бу јолда атдығыныз аддымлары сарсытмыр, көврәлтмир, әксинә даһа да мәтинләшдирир, мөһкәмләндирир. Бу јолда сизә вә һәр биримизә бөјүк уғурлар, Танрыдан көмәк диләјирик.
Сизи бир даһа доғум ҝүнүнүз мүнасибәти илә тәбрик едирик. Аллаһдан диләјирик ки, тезликлә һагг етдијиниз азадлыға говушмагла аиләнизә вә вә ҹәмијјәтимизә дөнүб сијаси фәалијјәтинизи давам етдирәсиниз."
Биз дә, АБНА олараг редаксија һејәтинин үзвләри тәрәфиндән бу тәбрикләрә гошулараг Мөвсүм Сәмәдова узун бәрәкәтли өмр, мадди вә мәнәви ишләриндә уғурлар диләјирик!
Диггәт: Хәбәрдән истифадә етдикдә мәнбәјә истинад лазымдыр
