Әһли Бејт - АБНА – Хәбәр Аҝентлијинин вердији хәбәрә әсасән, әлијевләр режимини сәрт тәнгиди чыхышларына ҝөрә ШӘРЛӘНӘРӘК һәбс едилән сијаси мәһбус, Азәрбајҹан Ислам Партијасынын Лидери Доктор Мөвсүм Сәмәдов сентјабрын 26-да ганунсуз олараг кечирилмәси планлашдырылан Конститусијаја дәјишикликләр актына етираз мәгсәдилә мүддәтсиз аҹлыг аксијасына башлајыб. Бу барәдә вәкил Јалчын Иманов билдириб.
Вәкил августун 30-да АИП лидери М. Сәмәдовун сахландығы Гобустан һәбсханасында онунла ҝөрүшүб. М. Сәмәдов билдириб ки, референдум актында Конститусијаја кифајәт гәдәр мүртәҹе дәјишиклилкәр нәзәрдә тутулур вә һәмин дәјишикликләрин гәбулу өлкәдә монархија үсулунун рәсмиләшдирилмәси анламына ҝәлир.
М. Сәмәдов билдириб ки, ајры бир етираз имканлары олмадығына ҝөрә јалныз аҹлыг аксијасы формасында дәјишикликләрә етираз едир. “Бу өлкәдә баш верәнләрә ҝөрә һәм Аллаһ, һәм дә Тарих гаршысында һәр биримиз мәсулијјәт дашыјырыг. Бу ҝүн референдума етираз етмәјә ҝөрә һәбс етмәсәләр, сабаһ бизи башга иттиһамларла һәбс едәҹәкләр.”- дејә Сәмәдов билдириб.
Вәкилин билдирдијинә ҝөрә, М. Сәмәдов билдириб ки, һакимијјәт онсуз да референдуму кечирәҹәк. “Әсас одур ки, ҹәмијјәт сијаси һадисәләрә мүнасибәтдә сүст олмасын. Референдума етиразсызлыг мәни чох нараһат едир. Референдумун сакит кечмәси, етиразсыз гаршыланмасы Азәрбајҹан халгынын ахырынҹы гүруруну да әлиндән алмагдыр. Һәр бир азәрбајҹанлыны ганунун вердији имканлар чәрчивәсиндә бу дәјишикликләрә етираза чағырырам. Биз әдаләтли дөвләт истәјирик, бу ҝүн Азәрбајҹан халгынын милли вәһдәтә еһтијаҹы вар. Халгыма үзүмү тутуб дејирәм: Ејни һәјатдан јорулмамысыз? Ҝәлин, бирликдә јашајаг. Залымын зүлмүндә илк нөвбәдә мәзлум ҝүнаһкардыр” - дејә сјаси мәһбус билдириб.
О, аксијасы илә һәмчинин Тале Бағырзадә вә Нардаран һадисәләринә ҝөрә тутулан шәхсләрә верилмиш ишҝәнҹәләрә, ганунсузлуға вә һагсызлыға етираз етдијини дә дејиб. Вәкил дејир ки, Мөвсүм Сәмәдовда үмуми һалсызлыг јараныб. Анҹаг Сәмәдов дејиб ки, һәбс едиләндән бәри мүтәмади оруҹ тутдуғундан аҹлыг аксијасы ону о гәдәр дә нараһат етмир.
М. Сәмәдов мүәссисә рәһбәрлијинә аксијанын гејдијјата алынмасы вә аксијаја һәким нәзарәти олунмасы илә бағлы мүраҹиәт етсә дә, һәләлик онун сәһһәтинә һәким нәзарәти јохдур.
Диггәт: Хәбәрдәнистифадәетдикдәмәнбәјәистинадлазымдыр
