Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сон ики һәфтә әрзиндә Иранын шималында, Ирагла сәрһәддә давам едән дөјүшләр Сепаһла Иран Күрд Демократик Партијасынын (ИКДП) үзвләри арасында ҝедир. Һәр ики тәрәфдән иткиләр вар. Силаһлы тоггушмалар әввәлҹә ијунун 15-16-да Иранын Гәрби Азәрбајҹан әјаләтинин Ошнавиеһ әразисиндә, даһа сонра исә јахынлыгдакы Сәрвабад, Маһабад вә Мәриван реҝионларында баш вериб.
Ијунун 28-дә Сепаһ Сәрбабад реҝионунда 11 күрд үсјанчысыны өлдүрдүјүнү бәјан едиб. Сепаһ командири Муһәммәд Һүсејн Рәҹәби, дөјүшләрдә үч әсҝәринин Шәһид олдуғуну билдириб.
Сепаһ хәбәрдар едиб ки, о, сәрһәд реҝионунда "һәр һансы һәрәкәти" ҹидди шәкилдә изләјир вә инсанларын "давамлы сүлһ вә тәһлүкәсизлијинин" бу "террорчулар" тәрәфиндән позулмасына јол вермәјәҹәк.
Сепаһын гуру гүввәләринин команданы Муһәммәд Пакпур һәтта билдириб ки, Иран Ислам Республикасы “ИКДП” адлы террор груплашмасынын Ираг Күрдистанындакы мөвгеләринә гаршы рејдләр дә кечирә биләр.
2011-ҹи илдә Иран Ирагын шималындакы “Күрдистан Азад Һәјат Партијасы” адлы башга бир үсјанчы күрд террорчу груплашмасынын дүшәрҝәләрини һәдәфә алараг дармадағын етмишдир.
АБШ, Инҝилтәрә, сионист исраил режими тәрәфиндән дәстәкләнән Иран Күрд Демократик Партијасы “ИКДП” адлы террорчу груплашма Иранда Ислам Ингилабы Гәләбә газанандыгдан сонар Ислам Һакимијјәтинә гаршы террор әмәлијјатлары һәјата кечиртмәјә башлады. 1989-ҹу илдә партијанын лидери Абдол Раһман Ҝһассемлоунун өлдүрүлмәсиндән сонра исә онларын әмәлијјатлары даһа да ҝенишләнди. Анҹаг дөјүшчүләринин әсас һиссәси шимали Ирагда олан ИКДП 1997-ҹи илдән етибарән атәшкәс елан етмишди.
Гејд едәк ки, ҹари илин Март ајында, Новруз бајрамы әрәфәсиндә “ИКДП” адлы террор груплашманын баш катиби Мостафа Һежри күрд ҝәнҹләрини террор тәшкилаты сыраларына гошулмаға, бирләшәрәк "шәһәрләрдә вә дағларда дөјүшмәјә" чағырыб.
Диггәт: Хәбәрдән истифадә етдикдә мәнбәјә истинад лазымдыр
