Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија президентинин мәтбуат катиби Дмитри Песков Түркијә президенти Рәҹәб Тајјиб Әрдоғанын Владимир Путинә мәктуб ҝөндәрдијини бәјан едиб.
Мәктубда Түркијәнин дөвләт башчысы Русијаја мәхсус "Су-24" тәјјарәсинин вурулмасына ҝөрә Русијадан үзр истәјиб.
"РФ президенти В.Путин Түркијә президентиндән мәктуб алыб. Мәктубда Түркијә лидери Русија һәрби тәјјарәсинин вурулмасы илә бағлы ики өлкә арасында јаранмыш ҝәрҝинлији низамламаг арзусунда олдуғуну бәјан едиб. О өлән пилотун аиләсинә башсағлығы вериб вә үзр истәјиб",- дејә Песков билдириб.
Түркијә лидери мәктубунда Русија илә әнәнәви достлуг мүнасибәтләрини бәрпа етмәк үчүн әлиндән ҝәләни әсирҝәмәмәјә һазыр олдуғуну билдириб. Онун сөзләринә ҝөрә, Анкара Русија Федерасијасына мәхсус тәјјарәни вурмаг арзусунда олмајыб.
"Анкара "Су-24 тәјјарәсинин пилотунун аиләсинә дәјмиш зијаны өдәмәк үчүн ирәли сүрүлән истәнилән тәшәббүсә мүсбәт ҹаваб вермәјә һазырдыр",- дејә мәктубун мәтниндә билдирилир.
Диггәт: Хәбәрдәнистифадәетдикдәмәнбәјәистинадлазымдыр
