Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 14 мај 2016 тарихдән етибарән Пакистанда Шиәләрин ән бөјүк тәшкилаты сајылан “Мүсәлманларын Вәһдәт Мәҹлиси” һәракатынын әсас үзвләри өлкә рәсмиләринин Пакистанда Шиәләрин узун илләр мүтәмади сүрәтдә террор едилмәси фактына биҝанә јанашмаларына етираз әламәти олараг кечирдикләри аҹлыг аксијасы давам едир.
Аксија “Мүсәлманларын Вәһдәт Мәҹлиси” һәракатынын Баш Катиби Әлламә Раҹе Насир Әббас Ҹәфәри тәрәфиндән башланыб. Даһа сонра һәракатын әсас үзвләри вә диҝәр шәхсијјәтләр бу аксијаја гошулублар.
Етиразчылар өз һүгуги истәкләринин бәрпа едилмәјәҹәји тәгдирдә аҹлыг аксијасынын давам едәҹәјини билдирибләр. Шиәләрин тәк истәји һакимијјәтин там вар ҝүҹү илә тәкфирчиләрә гаршы ҝениш мигјаслы һәрби вә логистик әмәлијјатларын ҹидди сүрәтдә апарылмасыдыр.
“Мүсәлманларын Вәһдәт Мәҹлиси” һәракатынын рәһбәрләриндән бири олан Сејјид Һәсән Рза Һәмдани билдириб: “Өлкәнин Дејр Исмаил Хан, Пишавәр, Карачи вә бир чох мүхтәлиф бөлҝәлрәи Шиәләрин, Әли Бејт (әлејһим сәлам) давамчыларынын гәтлиҝаһына чеврилиб. Бу Шиә Сојгырмы узун илләрдир давам едир. Амма нәдәнсә бу ҝүнә кими һеч бир террорчу өз ҹәзасына чатмајыб. Һәтта һәбс белә едилмәјиб... ”
Гејд едәк ки, бу ҝүнә кими, артыг 21 ҝүндүр аксија давам едир.
Диггәт: Хәбәрдән истифадә етдикдә мәнбәјә истинад лазымдыр
