Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гәтәрин сабиг баш назири Һәмад ибн Ҹасим әл-Тани өлкәсинин Суријанын дахили ишләринә муздлу дөјүшчүләри ҹәлб етмәк вә онлары малијәләшдирмәклә мүдахилә етдијини етираф едиб.
Гәтәрли назир бу ишләри ҝөрмәк үчүн адыны чәкмәдији гүввәләрин јашыл ишиг јандырдыгларыны сөјләјиб. Әл-Тани билдириб ки, һәлә о заман Сәудијјә Әрәбистанынын Суријанын дахили ишинә гарышмаг фикри олмајыб.
Британијанын "Финанҹиал Тимес" гәзетинә мүсаһибә заманы суаллары ҹавабландыран әл-Тани, "Гәтәрин Сурија илә бағлы сијаси курсунун уғурсузлуға дүчар олмасында һәр һансы мәсулијјәт дашыјырсыныз?" суалына о, белә ҹаваб вериб: "Әввәлҹә, биз Суријаја мүдахилә үчүн јашыл ишыг алдыг. Гәтәр бу лајиһәнин рәһбәри олаҹагды”.
Һәмәд ибн Ҹасим әл-Тани јашыл ишыгын ким тәрәфиндән верилдијини ачыгламаг истәмәјиб. Анҹаг експертләр ҝүман едирләр ки, бу, АБШ вә ишғалчы исраил режимидир. Чүнки америкалыларын реҝиондакы приоритет сијасәти кими сионист исраил режиминин нефт долларларындан истифадә едәрәк тәһлүкәсизлијини тәмин етмәкдир.
Әл-Тани етираф едиб ки, Сурија бөһранына мүдахиләјә башчылыг етмәк истәји Гәтәр вә Сәудијјә арасында рәгабәт јарадыб. Сәудијјә Әрәбистаны мүдахиләнин илк вахтларында бу лаһијәдә идарәедиҹи мөвгедә олмаг истәјиб, лакин сонрадан хариҹи сијасәтиндә дәјишиклик баш вериб. Әл-Танинин сөзләринә ҝөрә, Сәудијјә Әрәбистаны Гәтәрин бу лајиһәдә икинҹи ролда олмасыны истәдикләрини сөјләмәјиб вә бу да рәгабәтә сәбәб олуб. Гәтәрин кечмиш назиринин фикринҹә, бу гејри-сағлам аддым Гәтәр, Сәудијјә вә Түркијәнин иҹрачысы олдуғу Гәрбин Суријадакы лајиһәсинин уғурсузлуға дүчар олмасына сәбәб олуб.
Диггәт: Хәбәрдән истифадә етдикдә мәнбәјә истинад лазымдыр
