Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасы ишғалчы Ермәнистан ордусунун нөвбәти тәхрибаты нәтиҹәсиндә тәмас хәттиндә баш верән гаршыдурма илә бағлы бәјанат вериб.
ИсламинСесинә дахил олан бәјанатда дүшмән гүввәләринә гаршы гәһрәманҹасына вурушараг шәһид олан һәрбчиләримизин аиләләринә вә вәтәнпәрвәр халгымыза башсағлығы верилиб.
Ишғалчы Ермәнистанын торпагларымызы 25 илдән артыг тәҹавүз алтында сахлајан гулдур дәстәләринин јенидән атәшкәси позмасы шәксиз ки, мәгсәдли характер дашыјыр. Ҝүҹү вә дөјүш габилијјәти түкәнмиш дүшмән дүнјанын диггәтини ҹәлб етмәк үчүн мүтәмади гаршыдурма јарадыр, һәтта буна дөјүш техникасынын вә олан-галан һәрбчиләринин ордумуз тәрәфиндән мәһв едилмәсинә рәғмән чалышыр. Статус квонун бирдәфәлик дондурулмасы мәгсәдини гаршыја гојан һијләҝәр дүшмән өлкәмизин әрази бүтөвлүјүнә икили стандартларла јанашан бејнәлхалг тәшкилатларын, дүнјанын ҝүҹ мәркәзләринин, конфликтин тәнзимләмәсини өһдәсинә ҝөтүрән АТӘТ-ин Минск групунун гејри-објектив мүнасибәтләриндән вә гәтијјәтсизлијиндән суи истифадә едәрәк бејнәлхалг һүгуг нормаларыны кобудҹасына позур.
Тәмас хәттиндә баш верән сон инсидент вә онун истилачылар үчүн ағыр нәтиҹәси гәһрәман Азәрбајҹан ордусунун дөјүш шүҹаәтини бир даһа ҝөстәрди. Техника вә ҹанлы гүввә тәрәфиндән ағыр итки верән ишғалчы Ермәнистан ордусу Азәрбајҹанын торпагларында сәрбәст давранмағын мүмкүн олмадығыны анламалы, јувасына гајытмалыдыр.
Шанлы һәрбчиләримизин гәһрәманлыг сәһифәләрини алгышлајыр, шәһид оланларын аиләләринә, јахынларына вә бүтөвлүкдә халгымыза баш сағлығы веририк.
Диггәт: Хәбәрдән истифадә етдикдә мәнбәјә истинад лазымдыр
_5703ce645dedd.jpg)
