Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Куба Ингилабынын лидери Фидел Кастро АБШ президенти Барак Обаманын ики өлкәнин јахынлашмасы барәдә сөзләринә скептик јанашыб.
Гејд едәк ки, америкалы лидер Кубаја өтән һәфтә етдији сәфәри заманы билдириб: “сојуг мүһарибә” битиб вә Вашингтон Һавана дост әлини узадыр.
Бу ҝүн исә Кастро бунунла бағлы “Ҝранма” гәзетиндә “Гардаш Обама” адлы мәгалә илә чыхыш едиб.
Мәгаләсиндә Кастро Обаманын сөзләрини иронија илә “бал ајында верилән вәд” адландырыб.
“АБШ президентини динләјән заман адам инфаркт ола биләр”, - дејә Кастро АБШ рәһбәрлијинин 60 ил әрзиндә Куба һөкумәтинә гаршы дүшмән һәрәкәтләрини садалајараг јазыб.
“Бу нәҹиб вә фәдакар халгын өз шөһрәт вә һүгугларындан имтина едәҹәјинә даир иллүзијаја гапылмаг лазым дејил. Биз өзүмүз еһтијаҹымыз олан әрзаглары истеһсал етмәјә һазырыг. Империјанын вердији һәдијјәләрә еһтијаҹымыз јохдур”, - дејә мәгаләдә Куба лидери вурғулајыб.
Хатырладаг ки, Вашингтон вә Һавана кечән илин ијул ајында дипломатик мүнасибәтләри бәрпа едибләр вә АБШ 54 иллик фасиләдән сонра сәјаһәт вә тиҹарәт гадағаларыны арадан галдырыб.
Диггәт: Хәбәрдәнистифадәетдикдәмәнбәјәистинадлазымдыр
