Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Пајтахтда "Азәриншаатсервис" ММҸ-нин ишчиләри етираз аксијасы кечирир.
Мәлумата ҝөрә, ишләдикләри тәгдирдә 5 ајдыр әмәк һаггы алмајан ширкәт әмәкдашлары артыг буна гаршы өз етиразларыны билдирмәк гәрарына ҝәлибләр. Әмәк һаггы ала билмәјән 200 нәфәрә јахын ишчи Дәрнәҝүл истигамәтиндән Әмәк вә Әһалинин Сосиал Мүдафиәси Назирлијинә доғру етираз јүрүшү едирләр.
Јүрүш едән ишчиләр Әмәк вә Әһалинин Сосиал Мүдафиәси Назирлијинин гаршысына топлашыблар. Назирликдә етиразчылары гәбул едән дөвләт гурумунун әмәкдашы ишчиләрә билдириб ки, мәсәлә арашдырылаҹаг вә јахын мүддәтдә мүвафиг ҹаваб вериләҹәк. Бунунла разылашмајан етиразчылар Президент Админстрасијасына доғру јүрүш етмәји планлашдырырлар.
Диггәт: Хәбәрдән истифадә етдикдә мәнбәјә истинад лазымдыр
