Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанда әлијевләр режиминин анти-Ислам сијасәтләри давам едир. Белә ки, Мүсәлман Бирлији Һәракатынын сәдр мүавини Елчин Гасымов башда олмагла онларла Исламчынын сахланылыб ҹәримәләниб һәбс едилмәләри ардыјҹа "Фурган" ИБ-нин сәдри, Илаһијјатчы Һаҹы Вүгар Исҝәндәров дүнән ҝүнорта саатларында мүлки ҝејимли полис әмәкдашлары тәрәфиндән полис идарәсинә апарылыб.
О полисдә бир аз диндирилдикдән сонра Низами рајон мәһкәмәсинә ҝөндәрилиб. Мәһкәмә исә Илаһијјатчыја Инзибати Хәталар Мәҹәлләсинә әсасән 20 сутка һәбс гәрары вериб.
Исламазери.аз хәбәр верирки, һәбс өлкә иҹтимаијјәтинин һиддәтинә сәбәб олуб.
Бу һәбслә бағлы “Милли Мәнәви Дәјәрләр” Иҹтимаи Бирлији бәјанат јајыб.
Бәјанатда дејилир: “Дүнән Ҝәнҹәдә танынмыш илаһијјатчы, иҹтимаи фәал Вүгар Исҝәндәров һәбс олунуб. О полисә апарылдыгдан сонра, сахта иттиһамларла мәһкәмә гаршысына чыхарылыб вә Инзибати Хәталар Мәҹәлләсинә әсасән барәсиндә 20 сутка һәбс гәрары верилиб.
Тәшкилат олараг Ҝәнҹәдә һәбсләрин башламасыны, Исламофобијанын давамы һесаб едир, сөз азадлығынын кобуд сурәтдә позулмасы кими гијмәтләндиририк. Чүнки, һөрмәтли Вүгар Исҝәндәров (Гарабағи) өзүнүн сосиал профилиндә Ҝәнҹәдә баш верән Ашура әрәфәсиндәки олајлар һагда иҹтимаијјәти доғру дүзҝүн мәлуматландырмыш вә мәмур өзбашналығыны ифша етмишдир.
Бу һәбс санки, сон заманллар инанҹлылара гаршы апарылан мәнфи тәблиғатын, дөвләт диндар арасында јарадылмаг истәнилән хаос лајиһәсинин вә дөвләт органларында апарылан ислаһатларын (МТН-дә тәмизлик) гаршысынын алынмасы ҹәһдләринин бир һиссәси кими ҝөрүнүр.
Одурки, ММДИБ олараг танынмыш илаһијјатчы, ҝөзәл иҹтимаи фәал вә гијмәтли јазар олан Һаҹы Вүгар Исҝәндәровун һәбсини гәти писләјир, илаһијјатчынын дәрһал азад едилмәсини тәләб едирик!”
Мәсәләјә ДЕВАММ-да мүнасибәт билдириб.
Дејерлер.орҝ-ун мәлуматында дејилир: “ДЕВАММ-а нөвбәти нараһатедиҹи хәбәр дахил олуб. Белә ки, Ҝәнҹә диндарларындан алынан мәлумата ҝөрә, дәјәрли Ислам маарифчиси, илаһијјатчы Һаҹы Вүгар Искәндәров (Һаҹы Вугар Гарабаҝи) евинин гаршысында бир нечә мүлки шәхс тәрәфиндән сахланылыб. Өнҹә Ҝәнҹә шәһәр Баш полис идарәсинә ҝәтирилән илаһијјатчы, даһа сонра Низами рајон мәһкәмәсинә апарылмыш, бурада гондарма иттиһамларла она 20 сутка инзибати һәбс ҹәзасы верилмишдир. Бу һәбс үчүн һеч бир гануни әсас олмамышдыр.
ДЕВАММ (Дини Етигад вә Виҹдан Азадлыгларынын Мүдафиә Мәркәзи) бу һалы инсан һагларынын кобуд сурәтдә позулмасы кими дәјәрләндирир, Һаҹы Вүгар Искәндәровун тәҹили азадлыға бурахылмасына чағырыр.”
МБҺ-нин реаксијасы
Мәсәләјә МБҺ-нин сәдри Тале Бағырзадә өзүнүн сосиал профил сәһифәсиндә мүнасибәт билдириб: “Ҝәнҹә руһаниси Һаҹы Вүгар Искәндәров ганунсуз олараг сахланылыб. Инзибати гајдада 20 сутка һәбс ҹәзасына мәһкум едилиб.
Гардашымызын гејдсиз-шәртсиз азадлыға бурахылмасыны тәләб едирик. Инанҹлылара гаршы гәрәзли вә сифаришли шәкилдә башладылан “гара пиар” кампанијасы дәрһал дајандырылмалыдыр!”
Ҝәнҹә инанҹлылары арасында да бу хәбәр һиддәт јарадыб. Иҹтимаи фәал Рамил Мустафа өзүнүн сосиал профилиндә јазыр: “Дәјәрли достун әзиз гардашым Һаҹы Вүгар Гарабағинин 20 сутка һәбс олунма хәбәри бизи нараһат етди. Чох севилән, диггәтчил өвлад кими валидејнләриндән, гајғыкеш, тәләбкар, ејни заманда сәмими бир ата кими өвладларындан мүвәггәти дә олса ајры дүшмәји, даһа доғру гејри гануни олараг ајры салынмағы чох үзүҹү һалдыр. Тәк тәсәллимиз бу ҹәмијјәтин мәхсусән ҝәнҹләримизин һәмишә фајдаландығы гәләминдән әзиз достумузун ајры дүшмәмәсидир. Һарада олмағындан асылы олмајараг сәнә елми вә јарадыҹылыг ишләриндә уғурлар арзу едирик, дәјәрли гардаш. Үмид вә тәлбә едирик ки, ганунсуз һәбсә дәрһал хитам верилсин вә Вүгар Исҝәндәров азад едилсин,”
Диггәт: Хәбәрдән истифадә етдикдә мәнбәјә истинад лазымдыр
