Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн Азәрбајҹан Ислам Партијасы (АИП) Баш Мәҹлисинин топлантысы кечирилиб. Баш Мәҹлисин ҝүндәлијиндә мүхтәлиф мәсәләләр сәсләндирилиб. Партијанын ҝүндәлијиндә әсасән өлкәдә иҹтимаи-сијаси вәзијјәт, АИП-дәки јени тәјинатлар, һәбсдә олан сијаси мәбусларын проблемләри вә диҝәр мәсәләләр олуб.
Тәдбир илк өнҹә Аллаһ кәламынын охунушу илә ачылды.
Сонра чыхыш үчүн сөз АИП сәдринин мүшавири Акиф Һејдәрлијә верилди. О чыхышы заманы партијанын биринҹи мүавини Һаҹы Илһам Әлијеви баш мәҹлис нүмајәндәләринә тәгдим етди. О гејд етди ки, партијанын идарә һејәти Илһам Әлијеви АИП-ин сәдр әвәзи кими сечиб вә бу мәсәлә Баш мәҹлисдә сәсә гојулаҹаг.
Бундан сонра Илһам Әлијевә партијанын сәдр әвәзи сәлаһијјәтләринин һәвалә едилмәси мәсәләси сәсвермәјә гојулду.
Баш мәҹлис нүмајәндәләри јекдилликлә Илһам Әлијевин партијанын сәдр әвәзи постуна сечилмәсинә сәс вердиләр.
Сонра чыхыш үчүн сөз АИП-ин сәдр әвәзи Илһам Әлијевә верилди.
Илһам Әлјев чыхышы заман илк өнҹә баш мәҹлис нүмајәндәләринә она етимад етдикләринә ҝөрә өз тәшәккүрүнү билдирди.
Азәрбајҹанын мүстәгиллик газанмасындан сонра АИП-ин тәсис едилән илк сијаси партија олдуғуну сөјләјән Һаҹы Илһам Әлијев, билдирди ки, партија бундан сонра да халгын марагларынын, рифаһынын вә милли мәнәви дәјәрләринин горунмасы истигамәтиндә фәалијјәт ҝөстәрәҹәк.
Партија үзвләринин тәдбир, мәнтиг вә мәсәләһәтләшмә илә фәалијјәт ҝөстәрмәсинин зәрури олдуғуну сөјләјән сәдр әвәзи, ҝәләҹәк фәалијјәтләриндә партија үзвләринә уғурлар арзулады.
Бундан сонра Һаҹы Илһам Әлијев партијаја јени тәјинатлардан данышды.
О, билдирди ки, илаһијјатчы алим Әли Нур партијанын иҹтимаи-сијаси мәсәләләр үзрә сәдр мүавини вә илаһијјатчы Емил Раһилоғлу исә тәшкилати мәсәләләр үзрә сәдр мүавини постуна тәјин едилиб.
Сонра чыхыш үчүн сөз АИП-ин Нәзарәт Тәфтиш Комиссијасынын сәдри Фәјјаз Нәбизадәјә верилди. Комиссија сәдри чыхышы заманы јени тәјинатларла бағлы өз тәшәккүрүнү билдирди вә танынмыш илаһијјатчы вә руһани алимләрин партијанын рәјасәт һејәтиндә тәмсил олунмасындан бөјүк фәхарәт һисс етдијини сөјләди. Фәјјаз Нәбизадә ејни заманда партија үзвләринә јени рәһбәрлијә әлләриндә ҝәлән бүтүн дәстәји нүмајиш етдирмәклә бағлы чағырыш етди.
Тәдбир диҝәр шәхсләрин чыхышлары илә сона чатды.
Диггәт: Хәбәрдән истифадә етдикдә мәнбәјә истинад лазымдыр
