Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Јанан бинанын бир груп сакини аксија кечириб.
Бу ҝүн, саат 14:00 радәләриндә әввәлҹә Бакы Шәһәр Иҹра Һакимијјәтинә вә орадан да Президент Администрасијасына јолланан сакинләри һеч ким гәбул етмәјиб.
Сакинләр даһа сонра Назирләр Кабинетинин гаршысына топлашыблар.
Сакинләрин тәләби онлара верилән вәдләрин јеринә јетирилмәсидир. Сакинләр билдирирләр ки, јанғындан сонра бинанын тәмири кејфијјәтсиз шәкилдә һәјата кечирилиб.
Президентин тапшырығына әмәл етдикләрини ҝөстәрмәјә чалышан мәмурлар мәнзилләри кејфијјәтсиз мебелләрлә вә ев әшјалары илә тәмин едибләр. Наразы сакинләр кондисионер, сојудуҹу кими әшјалары сөз верилсә дә, ала билмәдикләрини гејд едибләр.
Назирләр Кабинетинин гаршысына топлашанлар арасында јанғын заманы зәрәр ҝөрән, јарарсыз вәзијјәтә дүшән објектләрин вә машынларын саһибләри дә вар. Онлар да һеч бир компенсасија ала билмәдикләринә ҝөрә етираз едибләр.
Хатырладаг ки, Азадлыг проспектиндә баш верән јанғында 15 нәфәр өлмүшдү. Бинанын бүтүн мәнзилләри јанмышды.
Диггәт: Хәбәрдән истифадә етдикдә мәнбәјә истинад лазымдыр
