Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бу илин 9 ајы әрзиндә Азәрбајҹанда доғулан ушаглара гојулан адлар арасында үстүнлүк тәшкил едән адларын сијаһысы ачыгланыб.
Әдлијјә Назирлијиндән верилән мәлумата ҝөрә, оғлан адлары арасында ән чох популјарлыг газанан ад Јусифдир. Белә ки, 9 ај әрзиндә доғулмуш оғлан ушагларындан 2380 нәфәрә Јусиф ады верилиб. Даһа чох гојулан оғлан адларынын арасында Әли (1686), Һүсејн (1668), Мәһәммәд (1006) адлары да вар.
Гыз адлары арасында популјарлыг газанан ад Зәһра адыдыр. Белә ки, 9 ај әрзиндә 2348 нәфәр Зәһра ады верилиб. Јени доғулан гыз ушагларына верилән адлар арасында үстүнлүк тәшкил едән Фатимә (1507), Зејнәб (1128), адларыдыр.
Гејд едәк ки, бу адлар һәм дә сон беш ил әрзиндә ән чох гојулан адлардыр.
Диггәт: Хәбәрдән истифадә етдикдә мәнбәјә истинад лазымдыр
