Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Хорватија Дахили Ишләр Назирлији Сербија илә сәрһәд гапыларына ҝедән јолларда һәрәкәтин гадаған едилмәси һагда гәрар вериб.
Јолларын бағланмасы һаггында сәрәнҹам нөвбәти јени сәрәнҹама гәдәр гүввәдә олаҹаг. Бу гәрара кими исә, Сентијабырын 17-си јерли вахтла 0:00-а кими Хорватија әразисинә 11 мин Суријалы мигрант кечиб.
Хорватија рәсмиләри даһа сонра билдирибләр ки, өлкәнин бундан артыг мигрант гәбул етмәк игтидарында дејилдир.
Сентјабырын 18-дә јајылан хәбәрләрдә исә, Сербијада јерләшән даһа јүзләрлә мигрантын Творник сәрһәд шәһәринә ҝәләрәк Хорватија сәрһәд бөлҝәсиндәки полис кардонун кечәмәјә наил олдуглары билдирилир. Суријалы гачгынларын дәмирјоллары вә саһәләрлә пијада Хорватијаја ҝәлиб чатыглары да вурғуланыр.
Мигрантлардан бири исә, вердији ачыгламасында билдириб: “Онлар бизи хүсуси лаҝерләдә јерләшдирмәк истәјирләр. лакин биз буну истәмирик.”
Гејд едәк ки, Маҹарыстан Сербија илә сәрһәдләрини бағладыгдан сонра мигрант ахыны истигамәтини Хорватијаја тәрәф дәјишди.
Диггәт: Хәбәрдән истифадә етдикдә мәнбәјә истинад лазымдыр
