Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн сәһәр саатларында тәхминән 200 ишғалчы режим әсҝәри Әгса Мәсҹидинә басгын едәрәк кешик чәкәнләрә һүҹум едиб.
Һадисә нәтиҹәсиндә бир нечә нәфәрин јараландығы дејилир.
Мәсҹиддә кешик чәкәнләдән бири исә, тәхминән 200 ишғалчы режим әсҝәринин бу ҝүн сәһәр саатларда Мәсҹидүл-Әгса комплексиндә (әл-Һәрам әш-Шәриф) јерләшән Әл-Гибли Мәсҹидинә басгын едәрәк ҹәназәләрин олдуғу һиссәнин гапысыны сындырдығыны, мүгавимәт ҝөстәрән мүһафизәчиләрин исә ишғалчы әсҝәрләр тәрәфиндән зоракылыға мәруз галдығыны, тәҹавүз нәтиҹәсиндә бир нечә нәфәрин јараландығыны вә бир нечә нәфәрин исә һәбс олундуғуну билдириб.
Әвкаф Идарәси вердији мәлуматда исә, һүҹум нәтиҹәсиндә јашлы бир Мүсәлманын ҝөзүндән резин ҝүлләјлә јараландығыны вә 5 нәфәрин һәбс олундуғуну билдириб.
Сионист режим Мәсҹидүл-Әгсаны јер вә вахт бахымындан сионистләрә вермәк үчүн сәһәр саат 07-дән 11-ә гәдәр Мәсҹиди зорла бошалдыр. Онлар бурадакы Мәсҹид ҹамаатыны вә тәләбәләри зорла бајыра чыхарыр, мүгавимәт ҝөстәрәнләрә исә елә Мәсҹидин ичәрисиндә ҝөзјашардыҹы газла мүдахилә едиб.
Диггәт: Хәбәрдән истифадә етдикдә мәнбәјә истинад лазымдыр
