Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ишғалчы ермәни силаһлы бөлмәләри ҹәбһәнин мүхтәлиф истигамәтләриндә ири чаплы пулемјотлардан да истифадә етмәклә сутка әрзиндә атәшкәс режимини үмумиликдә 78 дәфә позуб.
Бу һагда Азәрбајҹан Мүдафиә Назирлијинин сајты хәбәр вериб. Мәлумата ҝөрә, Ермәнистан Республикасы Берд рајонунун Ајгепар вә Чинари кәндләриндә јерләшән мөвгеләрдән Товуз рајонунун Әлибәјли вә Ағбулаг кәндләриндә, Красноселск рајону әразисиндәки адсыз јүксәкликләрдә јерләшән мөвгеләрдән Ҝәдәбәј рајону әразисиндәки адсыз јүксәкликләрдә јерләшән мөвгеләримиз атәшә тутулуб.
Ҝоранбој рајонунун Ҝүлүстан, Талыш, Тәртәр рајонунун Чиләбүрт, Чајлы, Ҝөјарх, Ағдам рајонунун Шураабад, Шыхлар, Кәнҝәрли, Ширванлы, Гарагашлы, Сарыҹалы, Ҹәваһирли, Мәрзили, Јусифҹанлы, Хоҹавәнд рајонунун Куропаткино, Фүзули рајонунун Гараханбәјли, Һорадиз, Ашағы Сејидәһмәдли, Ҹәбрајыл рајонунун Меһдили кәндләри јахынлығында, һәмчинин Ҝоранбој, Хоҹавәнд, Фүзули вә Ҹәбрајыл рајонларынын әразисиндәки адсыз јүксәкликләрдә јерләшән мөвгеләрдән дә Силаһлы Гүввәләримизин мөвгеләри атәшә тутулуб.
Дүшмән ҹаваб атәши илә сусдурулуб.
Диггәт: Хәбәрдән истифадә етдикдә мәнбәјә истинад лазымдыр
