Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мүбарәк Рамазан ајынын 15-и Ислам Хилафәтинин 2-ҹи Хәлифәси, Шиәләрин 2-ҹи имамы вә Аллаһ Тәбарәку Тәаланын тәјин етдији 4-ҹү мәсуму, Исламда Әһли-Бејтин нүмајәндәси, Пејғәмбәрин (сәлләллаһу әлејһи вә алиһ) бөјүк сәһабәси Һәсән ибн Әлинин (әлејһимә сәлам) анадан олан ҝүнүдүр.
Биз АБНА олараг бу шәрәфли ҝүн мүнасибәти илә, башда Имам Заман һәзрәтләрини (Аллаһ Тәала онун шәрәфли зүһуруну тезләшдирсин) олмагла вариси Имам Хаменеи ҹәнабларыны, Али Тәглид Мәрҹәләрини, бүтүн дүнја халгларыны, мөмүн вә мәзлум тәбәгәни сәмими гәлбдән тәбрик едир вә онлара ән ҝөзәл хош арзулар диләјирик.
Имам Һәсәнин (әлејһи сәлам) һәзрәтләринин һәјатына гыса бир бахыш
Мөвлуду
Һәсән Һиҹрәтин 3-ҹү илиндә Рамазан ајынын ортасында Мәдинәдә дүнјаја ҝәлмишдир. О мөмүнләрин Әмири һәзрәти Әлинин (әлејһи сәлам) бөјүк оғлудур. Имам Һәсән Гүрејш гәбиләсинин Бәни-Һашим тајфасындадыр. Анасы Даһи Инсан һәзрәти Мәһәммәд Пејғәмбәрин (сәлләллаһу әлејһи вә алиһ) гызы Беһешт немәти, Дүнја Ханымларынын Ханымы һәзрәти Фатимәи Зәһрадыр (әлејһа сәлам). Күнјәси Әбу Мәһәммәддир. Ән мәшһур ләгәби Мүҹтәба вә Тәгидир, Тајјиб, Зәки, Сејид, Сәбт вә с.
Гејд едәк ки, Бөјүк Ислам Пејғәмбәри һәзрәти Мәһәммәд ибн Әбдуллаһ (сәлләллаһу әлејһи вә алиһ) ону Сејид (Аға) адландырмышдыр.
Имам Һәсәнин Адыны Аллаһ (ҹәллә ҹәлалуһ) Гојуб
Имам Һәсәнин (әлејһи сәлам) адынын гојулмасы һаггында Шејх Сәдуг белә рәвајәт етмишдир: Һәзрәти Имам Һәсән (әлејһи сәлам) дүнјаја ҝәләндә, Аллаһ (ҹәллә ҹәлалуһ) һәзрәти Ҹәбраилә (әлејһи сәлам) Мәһәммәдин (сәлләллаһу әлејһи вә алиһ) бир өвлады (нәвәси) олду. Онун јанына ҝет вә саламларымы вә тәбрикләрими тәгдим едәрәк белә де: Шүбһәсиз, Әлинин (әлејһи сәлам) Сәнә олан мөвге вә мәнзили, Һарунун (пејғәмбәрин) Мусаја (пејғәмбәрә) олан мәнзил вә мөвгеји кимидир (админ: һәзрәти Һарун әлејһи сәлам һәзрәти Мусанын әлејһи сәлам ҹанишини вә Аллаһ тәрәфиндән Мусадан сонракы Хәлифә вә Имам иди); Елә исә она (Имам Һәсән) Һарунун ушағына гојдуғу ады гој. Һәзрәти Ҹәбраил (әлејһи сәлам) Аллаһ (ҹәллә ҹәлалуһ) тәрәфиндән һәзрәт Пејғәмбәрин (сәлләллаһу әлејуһи вә алиһ) јанына ҝәләрәк тәбрикләрини чатдырдыгдан сонра белә деди: Аллаһ, онун адыны Һарунун (әлејһи сәлам) ушағынын адыны гојмагла вәзифәләндирди. Һәзрәт Пејғәмбәр (сәлләллаһу әлејһи вә алиһ): Һарунун (әлејһи сәлам) ушағынын ады нәдир? Дејә сорушду. Әрз етди ки: Шуббәр. Бујурду ки: Мәним дилим Әрәбҹәдир. Әрз етди ки: Онун адыны "Һәсән" гој. Беләликлә, Һәзрәт Пејғәмбәр (сәлләллаһу әлејһи вә алиһ) онун адыны Һәсән гојду.
Сәдуг, Мәһәммәд ибн Әли, Әмали, тәрҹ Кәмрәи: сәһ. 134
Ислам Пејғәмбәри һәзрәти Мәһәммәд ибн Әбдуллаһын (сәлләллаһу әлејһи вә алиһ) јанында
Бәрра белә дејир: Һәсән ибн Әли (әлејһимә сәлам), Пејғәмбәрин белиндә олдуғу заман Пејғәмбәрин белә дедијини ешитдим: Аллаһым! Мән буну севирәм, сән дә сев. (Бухари, ҹ. 2, сәһ. 432, Сүјути, сәһ. 206)
Башга бир һәдисдә һәзрәти Пејғәмбәр Һәсән вә Һүсејни ајаглары үзәриндә отуртдуғу заман белә бујуруб: Бу икиси мәним вә гызымын оғулларыдыр, Аллаһым! Мән бунлары севирәм, Сән дә бунлары сев вә онлары севәни дә сев. (Сүјути, сәһ. 207)
Диҝәр бир һәдисдә һәзрәти Мәһәммәд Пејғәмбәр (сәлләллаһу әлејһи вә алиһ) Имам Һәсән вә Һүсејн (әлејһимә сәлам) һаггында белә бујурур: "Һәсән вә Һүсејн ҹәннәт ҝәнҹләринин ағасидир". (Сәдуг 1363, сәһ. 333)
Һәзрәти Пејғәмбәр бујуруб: "Бу ики оғлум, мәним дүнјадакы ики ҝөзәл гохулу ҝүлүмдүрләр". ," Һәсән вә Һүсејн (јахуд да бу ики өвладым) Имамдыр, истәр гијам етсинләр вә истәрсә дә сүлһ етсинләр". (Мәҹлиси, Биһар, ҹ. 37, сәһ. 73, Сәдуг, Иләлуш-Шәраи, ҹ. 1, сәһ. 211, Мүфид, әл-Иршад, ҹ. 2, сәһ. 27)
Ислам Пејғәмбәри (сәлләллаһу әлејһи вә алиһ) бујуруб: "Әҝәр ағыл бир адамда ҹисимләндирилмиш олсајды, һәгигәтән Һәсән оларды". (Ҹәвини, Фәраидус-Симтејн, ҹ. 2, сәһ. 68)
Диггәт: Хәбәрдән истифадә етдикдә мәнбәјә истинад лазымдыр
