Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Jane’s Dеfеncе Intеllеgеncе” дәрҝисинин Фeисбук сәһифәсиндә верилмиш мәлуматында иддиа олунур ки, Гәрб һәрби кәшфијјат мәнбәләри Гарабағда дислокасија олунмуш бир нечә һәрби һиссәнин Ермәнистана апарылмасы һаггында билҝи верирләр. Һәмин бирләшмәнин шәхси һејәтинин әсасән Гарабағ ермәниләриндән ибарәт олдуғу гејд едилир.
Мәнбәнин мәлуматына ҝөрә бу бөлмәләрин Лачын дәһлизи истигамәтиндә һәрәкәти Гәрб өлкәләринин һәрби кәшфијјат пејкләри тәрәфиндән гејдә алыныб. Ҝүман едилир ки, ән мүкәммәл һәрби кәшфијјат пејкләринә мәхсус олан бу өлкә АБШ-дыр. Мәхфилији горумаг вә әһали арасында тәшвиш јаратмамаг үчүн гошунларын һәрәкәти ҝеҹә саатларында, бүтүн техниканын ишыгларынын там кечирилмәси шәраитиндә һәјата кечирилиб.
2000-2500 нәфәрдән ибарәт шәхси һејәти олан бу бирләшмәнин әсас һиссәси Јереван шәһәринин, диҝәр һиссәси исә Гүмрүнүн әтрафында јерләшдирилиб.
Еһтимал олунур ки, Ирәванда сон етиразларын фонунда президент Серж Саркисјан Украјнадакы “Мајдан" һадисәләринин вә мүмкүн дөвләт чеврилишинин Ермәнистанда тәкрарлана биләҹәјиндән еһтијат едир. Вәзијјәтин бу мәҹрада инкишафы һалында онун мүдафиә назири С.Оһанјана вә шәхси һејәти Ермәнистан ермәниләриндән ибарәт һәрби һиссәләрә етибар едә билмәјәҹәји еһтимал олунур.
Тәсадүфи дејил ки, бир нечә ҝүн бундан өнҹә Дағлыг Гарабағын мүдафиә назири ҝенерал-лејтенант Мовсес Һакобјан Ермәнистан ордусунун баш гәрарҝаһ рәисинин мүавини тәјин олунуб. Гарабағдан дислокасија олунмуш гүввәләр вә диҝәр јары-һәрби бирләшмәләр билаваситә онун команданлығына верилмишдир. Әҝәр вәзијјәт нәзарәтдән чыхарса вә һәрбчиләр әмрә табе олмазларса, Саркисјан дуруму нәзарәтдә сахламаг үчүн јалныз она етибар едәҹәк. Нахчыван вә Јераз групларына ҝүвәнән Илһам Әлијев тактикасына бәнзәр шәкилдә, президент Саркисјан да Гарабағ ермәниләринә ҝүвәнир. О өзү дә әслән Гарабағдандыр.
АТӘТ-ин Вјана - 99 сәнәдинә ҝөрә, гурума үзв дөвләтләр өз әразиләриндәки һәрби бирләшмәләрин координатлары, шәхси һејәтин сајы вә техникасы һаггында мәлумат верирләр. Диҝәр АТӘТ өлкәси исә бу мәлуматын һәгигилијини јохламаг үчүн һәмин әразидә гыса вахт әрзиндә тәфтиш апара биләр. Ермәнистанда гошунларын дислокасијасы илә бағлы кәшфијјат мәлуматы дахил оландан сонра, Гәрб дөвләтләри бу өлкәјә тәфтиш групу ҝөндәрмәк нијјәтиндәдирләр.
Русијанын Гүмрүдәки һәрби базасы да биринҹи дәрәҹәли һазырлыг сәвијјәсинә ҝәтирилиб. Әлавә гүввәләрин јерләшдириләҹәји барәдә дә мәлуматлар верилир.
Диггәт: Хәбәрдән истифадә етдикдә мәнбәјә истинад лазымдыр
