Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сәудиjjә Әрәбистанынын танынмыш Ислам алимләриндән олан Шеjх Нимирин һәбсинин үчүнҹү или мүнасибәтилә әл-Авамиjә шәһәринин фәаллары үч ҝүнлүк аҹлыг тәтилинә башлаjыблар. Дүнән (Ҹүмә) башлаjан тәтил сабаһ баша чатаҹаг.
Активистләр әл-Авамиjә шәһәриндәки Кәрбәла меjданында топлашыблар.
Хүсусилә сон олараг баш верән Кудеjjһ вә Дәмам һадисәләри илә бирликдә Әрәбистанын әш-Шаркиjjә реҝионунда сиjаси ислаһатын символуна чеврилән Шеjх Нимирин нүфузу даһа чох артыб. Әш-Шаркиjjә бөлҝәсиндә jашаjан мүсәлманлар Шеjх Нимири мәзһәбчилик вә зоракылыға гаршы мүбаризәнин ән ҝүҹлү сәси кими ҝөрүр.
Геjд едәк ки, Әрәбистанын ҝөркәмли алимләриндән олан Шеjх Нимир Сәуд рәһбәрлиjинин мәсҹидләрдә хәтибләрә гаршы икили стандартлы мөвгеjини ортаjа гоjуб. О, һакимиjjәтин шиәлик әлеjһинә иҹтимаи рәj jарадан хәтибләри тәшвиг етдиjини вә Әрәбистан ҹәмиjjәтини бирләшдирмәк, мүсәлманлары бир-биринә jахынлашдырмаг истигамәтиндә чыхышлар едән хәтибләри исә һәбс етдиjини дәфәләрлә вурғулаjыб.
Диггәт: Хәбәрдән истифадә етдикдә мәнбәjә истинад лазымдыр
