Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Дөвләт Статистика Комитәсиндән верилән мәлумата ҝөрә, 7347 нәфәр мүәјјән мүддәтә азадлыгдан мәһрум едилиб. О ҹүмләдән, 3200 нәфәр 2 илә, 2428 нәфәр 2 илдән 5 илә гәдәр, 1389 нәфәр 5 илдән 10 илә гәдәр, 330 нәфәр 10 илдән 15 илә гәдәр азадлыгдан мәһрум едилиб. 131 нәфәр иҹтимаи ишләр үзрә, 1972 нәфәр ислаһ ишләри илә ҹәзаландырылыб. Интизам характерли һәрби һиссәдә сахланыланлар 175 нәфәрдир.
2408 нәфәр ҹәримәләниб, 1293 нәфәр исә шәрти мәһкум олунуб. 3 нәфәр исә мүәјјән вәзифә тутума вә мүәјјән фәалијјәтлә мәшғул олма һүгугундан мәһрум едилиб. 21 нәфәр һаггында хроники сәрхошларын мәҹбури мүајинәси гәрары верилиб. Өтән ил верилән мәһкәмә гәрарларына әсасән, 13 нәфәр өмүрлүк азадлыгдан мәһрум едилиб.
Гејд едәк ки, үмумиликдә 1998-2014-ҹү илләр әрзиндә өмүрлүк азадлыгдан мәһрум едиләнләрин сајы 246 нәфәрдир.
Диггәт: Хәбәрдән истифадә етдикдә мәнбәјә истинад лазымдыр
