Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 32-ҹи Бејнәлхалг Гуран Мүсабигәләри иштиракчылары Үмүмдүнја Мүсәлманларынын Али Лидери Имам Хаменеи ҹәнаблары илә ҝөрүшүбләр.
Имам Хомејни (ризвануллаһи тәала әлејһ) адына Һүсејнијјәдә кечирилән сәмими ҝөрүшдә Имам Хаменеи ҹәнабларынын бир баша иштиракы илә, Теһран 2015 Бејнәлхалг Гурани Кәрим Мүсабигәләринин иштиракчылары Гуран Мәҹлиси тәшкил верәрәк Гурани Кәримин нурани кәламларыны тилавәт едибләр.
Ајәтуллаһ Сејјид Әли Хаменеи ҹәнаблары Гурани Кәримин Мүсәлманларын фәрди, иҹтимаи һәјатларында бирбаша рол ојнамасынын зәрурилијинә вурғулајараг билдириб: “Мүсәлманлар һәјат тәрзләриндә белә бир мәгама чатмалры үчүн ики әсас үнсүрә еһтијаҹлыдырлар: Бәсирәтли вә Ирадәли олмаға. Һабелә Ислам Дүнјасынын бу ҝүнкү чәтинликләр вә проблемләр гаршысында зәфәр чалмалары Гурани Кәримин бујуруглары гаршысында тәслим олмагларында вә дүшмәнин зорла бејинләрә јеритдији “мүасир ҹаһилијјәт” гаршысында дик дуруб, бу ҹаһилијјәтин зорбалығына гаршы мүбаризә етмәкдәдир.”
Ислам Ингилабынын Рәһбәри даһа сонра дејиб: “Әҝәр Гурани Кәримин һәдәфләринә тәрәф бир аддым атыларса Аллаһ Тәала бир нечә бәрабәр инсана ҝүҹ верәр. Бу иш артыг Иран халгы тәрәфиндән тәҹрүбә олунуб. Белә ки, Иран халгы һеҝемон гүдрәтләрин зорбалыглары гаршысында дајанараг мүгавимәт ҝөстәрмәклә чохлу баҹарыглар әлдә едәрәк һәјата вә ҝәләҹәјә олан үмүдләри даһа да артды.”
Имам Хаменеи һәзрәтиләри Иран халгынын дүшмәнләр гаршысында дајанараг мүбаризә етмәк тәҹрүбәсини Ислам Дүнјасынын чәтинликләрдән гуртармаг үчүн әлверишли бир ресчепт олдуғуна вурғулајараг билдириб: “Ислам Үммәти арасында икитирәлик вә ајрысечкилик сијасәти салмаг бу ҝүн Ислам дүшмәнләринин әсас мәгсәдидир. Буна ҝөрә дә, һамы муғајат олмалыдыр ки, Аллаһ еләмәмиш сабаһ дүшмәнин сәсуҹалдыҹысына чеврилиб Мүсәлманлар арасында ајрысечкилик сијасәтини јүрүтмәсинләр.”
Үмүмдүнја Мүсәлманларынын Али Лидери даһа сонра мүнагишә јаратмаг зәмининдә фәалијјәт ҝөстәрән һәр бир гыртлагы дүшмәнин сәсуҹалдыҹысы адландырараг билдириб: “Шиә вә Сүнни, Әрәб вә гејри Әрәб, милли вә ирги ајрысечкилик сијасәтләрини јүрүдүб Ислам Дүнјасы дахилиндә ихтилаф аловуну јаратмаг бу ҝүн Ислам дүшмәнләринин әсас мәкирли планларындандыр. Буна ҝөрә дә мүтләг бу ијрәнҹ планын гаршысында бәсирәтли олуб вә мөһкәм ирадә илә дајаныб мүгавимәт ҝөстәрмәлијик.”
Ајәтуллаһ Сејјид Әли Хаменеи даһа сонра бәсирәтли олуб досту дүшмәндән дүзҝүн ајыра билмәјин олдугҹа әһәмијјәтли бир иш олдуғуна тәкид едәрәк бујуруб: “Әзм вә ирадә һәр заман бәсирәтлә јанбајан галарса, чәтинликләр, тәзјигләр, зорбалыглар вә дүшмәнин мәкирли планлары гаршысында мүгавимәт ҝөстәрмәк инсан үчүн ән асан бир иш чеврилир. Вә бу һәмин о вәд верилмиш Илаһи нүсрәт вә јардымдыр.”
Һәзрәт Ајәтуллаһ Хаменеи даһа сонра алимләрин, зијалыларын, јазарларын, тәләбәләрин, елм ардыҹылларыныын, Гурани Кәрим Һафизләринин вә Гариләринин әсас вәзифәләрини икигат зәһмәтлә ҝүнбәҝүн Ислами Ојанышы тәблиғ етмәләри олдуғуну вурғулајараг билдириб: “Ҝәрәк халгы Гурани Кәримин һидајәт етдији јола үмүдвар едәк...”
Диггәт: Хәбәрдән истифадә етдикдә мәнбәјә истинад лазымдыр
