Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ИШИД командири әсири минаатанла өлдүрдү
Ағласығмаз гәтлләри вә ишҝәнҹәләри илә ҝүндәмдән дүшмәjән ИШИД террор тәшкилаты даһа бир вәһшилиjә имза атыб.
Косовалы ИШИД командири Лавдерим Муһаҹери әсир дүшән бир ҝәнҹи минаатанла едам едиб.
Лавдерим Муһаҹери 2,5 ил әввәл Косованын Качаник шәһәриндән Суриjаjа ҝәлиб, даһа сонра Ирага кечәрәк ИШИД-ә гошулуб. 27 jашындакы косовалы бир нәфәрин башыны кәсәркән чәкиллән фотошәкилләрин сосиал шәбәкәләрдә дәрҹ олунмасындан сонра мәшһурлашыб.
Косова медиасынын jаздығына ҝөрә, Лавдерим Муһаҹери 2010-ҹу илдә АБШ-ын Косовадакы һәрби дүшәрҝәсиндә чалышыб. Онун 2012-ҹи илдә террорчу груплара гошулдуғу билдирилир.
О, сон видеомүраҹиәтиндә Косовада ИШИД-ин тәрәфдарларыны һәбс едән Косова полиси вә диҝәр сәлаһиjjәтлиләри тәһдид едиб. Муһаҹери Косовадан ИШИД сыраларына гошуланларын да саjынын артығыны билдириб.
Диггәт: Хәбәрдән истифадә етдикдә мәнбәjә истинад лазымдыр
