Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Америка Бирләшмиш Штатларында гарадәрили вәтәндашларын әјаләт полисләри тәрәфиндән зәнҹирвари гәтлинин сону јохдур. Һәр ҝүн кечдикҹә Африка әсилли америкалыларын полис зоракылығына мәруз галдығы вә ја өлдүрүлдүјү хәбәр вә видеоларын иҹтимаи шәбәкәләрдә јајымландырылдығынын шаһидијик.
Америкада баш вермиш нөвбәти олај өлкәдә јашајан гарадәрили вәтәндашлары даһа да һиддәтләндириб. Белә ки, сосиал шәбәкәләрдә јајымланан бир видеочархда ајдын ҝөстәрилир ки, АБШ полисләри ики ҝүн мүддәт әрзиндә азадлыгдан мәһрум етдикләри (һәлә һәбсинин әсас дәлилләри сүбута јетмәјиб) гарадәрили Ҹејмз Брону ики саат полис шөбәсиндә сахлајараг, бу мүддәт әрзиндә она гаршы зоракылыглар едәрәк, сонда мәһбусун гәтлинә сәбәб олурлар.
“Каy Fох 14” каналынын јајымладығы видеода ајдын ҝөрүнүр ки, намәлум сәбәбләр үзүндән ганахмаја мәруз галмыш вә данышмаға тагәти олмајан Ҹејмз Бронун үзәринә ҹәзачәкмә мүәссисәсинин хүсуси тәјинатлы дәстәләри јүрүјәрәк, ону камерасынын дахилиндә “Мән Нәфәс Ала Билмирәм!!!” демәсинә бахмајараг вәһшиҹәсинә дөјәрәк јерә узадырлар. Брон јенә фәрјад едәрәк дејир: “Бронхларымда ганахмам вар нәфәс ала билмирәм!!!”... Сонда Бронун һалы даһа да ҝәрҝинләшдикдән сонра полис бөлмәси Ҹејмзи хәстәханаја јола салыр, лакин Брон артыг јолда кечинәрк һәјатыны итирир вә хәстәханадан бир баша гәбристанлыға ҝөндәриләрәк дәфн едилир.
Гејд едәк ки, Ҹејмз Брон АБШ һәрби гүввәләринин әскәрләриндән бири олуб. Һадисә 2012-ҹи илдә баш версә дә лакин “Кај Фох 14” каналы әлә кечиртдији видеоҝөрүнтүнү јајымладыгдан сонра Америкада бөјүк әкс сәда доғуруб.
Диггәт: Хәбәрдән истифадә етдикдә мәнбәјә истинад лазымдыр
