Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасында Вәлијји Фәгиһин Експердизија Мәҹлисинин Хузестан әјаләти үзрә нүмајәндәси Ајәтуллаһ Әббас Кәби билдириб: “Бејнәлхалг Гурани Кәрим Мүсабигәсинин кечирилмәси Ислам Дүнјасында бејнәлхалг һәјатын динамикасына, Ислам Үммәти арасында вәһдәт вә һәмрәјлијин даһа да артмасына бөјүк зәминә јарадыр.”
Ајәтуллаһ Әббас Кәби 32-ҹи Бејнәлхалг Гурани Кәрим Мүсабигәсинин хәбәрләрини јајымлајан медиа органына вердији мүсаһибәсиндә Гурани Кәрими Мүсәлманларын вә Ислам Дүнјасынын мөһкәм әһднамәси вә һеч бир шүбһә едилмәдән мүраҹиәт етдији Китаб олдуғуна ишарә едәрәк билдириб: “Өлкәләр арасында сүлһүн вә тәһлүкәсизлијин тәмин едилмәси мәгсәди илә бағланан бејнәлхалг мүгавилә вә сазишләр әсасән бир сыра мәлум гүдрәтләрин мәнафеләрини тәмин етмәк мәгсәди илә, јазылыбдыр. Мәһз буна ҝөрә дә, биз узун илләрдир ки, дүнјада бејнәлхалг мүгавиләләрин мәнфи гүдрәтләр тәрәфиндән раһатҹасына кобуд сүрәтдә позулмасынын шаһидијик.”
Вәлијји Фәгиһин Експердизија Мәҹлисиндәки нүмајәндәси даһа сонра билдириб: “Амма Гурани Кәрим мәзһәб вә милләтчиликдән узаг олан мүгәддәс бир әһднамәдир. Мәһз буна ҝөрә дә, онун иҹра олунмасына әсас зәманәт јарадан проссес Мүсәлманларын пак әгидәләринин дәринликләриндән ҹошан истәкдир.”
Ајәтуллаһ Кәби Гурани Кәримин үммәт арасында сүлһ вә бирлик мәсәләсинә даир хејли сајда маарфә малик олдуғуну вурғулајараг билдириб: “Гуран мүгәддәс бир әһди-пејман олдуғу үчүн бүтүн Ислам Иҹтимаијјәтинә ҝәрәкдир ки, она әмәл етмәклә вәһдәт јолунда аддымласынлар.”
О, даһа сонра Гуран дипломатијасыны Мүсәлманлар арасында вәһдәтин даһа да, мөһкәмләндирилмәси јөнүндә ән ҝөзәл дипломатија олдуғуна вурғулајараг билдириб: “Гурани Кәрим Мүсәлманлара һәгиги һәјаты вә јашајыш тәрзини өјрәдән бир китабдыр.”
Диггәт: Хәбәрдән истифадә етдикдә мәнбәјә истинад лазымдыр
