Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Алманиjа Хариҹи Ишләр Назирлиjинин сөзчүсү Әрәбистанын танынмыш шиә руһани Шеjх Нимри едам етмәк гәрары барәдә хәбәрдарлыг едиб.
Себастjан Фишер Берлиндә кечирдиjи мәтбуат конфрансында Әрәбистанын танынмыш шиә руһаниси Шеjх Нимрин jахын заманларда едам едиләҹәjи барәдә jаjылан хәбәрләрә реаксиjада деjиб: Биз дүнjа үзрә едам ҹәзасынын тәтбиг едилмәсини гынаjырыг. Бу мәсәлә бүтүн өлкәләрә аиддир. Инсан һаглары мүдафиәчиләри 2011-ҹи ил халг етиразларында иштирака ҝөрә һәбс вә едама мәһкум олунмуш Шеjх Нимрин әфв олунмасыны истәjибләр. Инсан һаглары груплары хәбәрдарлыг едибләр ки, Шеjх Нимрин едам едилмәси бүтүн Јахын Шәрги фитнә одуна сүрүкләjә биләр вә бу мәсәлә тамамилә сиjаси мәгсәдләрдән гаjнагланыр. Зира Әрәбистанда мүстәгил мәһкәмә системи мөвҹуд деjил.
Мәркәзи гәрарҝаһы Лондонда jерләшән Ислам Инсан Һаглары Комиссиjасы да БМТ-нин Шеjх Нимрин едам едилмәсинә мане олмасыны истәjиб.
Шеjх Нимр барәдә чыхарылан едам һөкмүнә гаршы дүнjа сәвиjjәсиндә етиразларын давам етдиjи бир һалда Әрәбистанын мүттәфигләри олан Инҝилтәрә вә Америка инсан һаглары вә демократиjа иддиасында олмаларына рәғмән, Шеjх Нимрин едам едилмәси мәсәләсинә лагеjд jанашырлар.
Диггәт: Хәбәрдән истифадә етдикдә мәнбәjә истинад лазымдыр
_555721fceae3a.jpg)
