Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ислам Ингилабынын Бөjүк Рәһбәри Семнан останынын 3 мин шәһидинин аным конгресинә мүраҹиәтдә вурғулаjыблар ки, шәһидләрин хатирәсинин горунмасы бир фәризәдир.
Сәһәр каналынын мәлуматына ҝөрә, Ислам Ингилабынын Бөjүк Рәһбәри Һәзрәт Аjәтуллаһулузма Хаменеинин маjын дөрдүндә кечирилмиш Семнан останынын 3 мин шәһидинин аным конгресинин тәшкилат комитәсинин үзвләри илә ҝөрүшдә вердикләри бәjанат бу ҝүн сәһәр Семнан шәһәринин Гәдир залында кечирилән бу конгресдә гираәт олунуб.
Ислам Ингилабынын Бөjүк Рәһбәри Семнан останынын габарыг өзәлликләри вә орада ҝөркәмли дини, елми вә сиjаси шәхсиjjәтләрин jетишдирилмәсинә ишарә едәрәк, Семнан останы шәһидләри конгресинин кечирилмәси вә шәһидләрин фәдакарлыгларынын jүксәк дәjәрләнидирилмәсини чох jахшы вә дәjәрли адландырыблар вә билдирибләр ки, шәһидләрин фәдакарлыглары Ислам Ингилабы үчүн давамлылыг еһтиjаты вә һәмин әзизләрин хатирәләринин горунмасы бир фәризәдир.
Ислам Ингилабынын Бөjүк Рәһбәри әлавә едибләр: Шәһидләрин хатирәләринин jад едилмәси үзрә фәалиjjәтләр бу һәдәфлә олмалыдыр ки, шәһадәт маарифи, jәни фәдакарлыг вә иман сөзүн әсл мәнасында мүраҹиәт олунанлара нүфуз етмиш олсун.
О Һәзрәт мүхатибдә, хүсусән ҝәнҹ нәслдә тәсиредиҹилиjи артыран васитәләрә диггәтин зәрурәтини бәjан едәрәк, белә геjд едибләр: Мүасир ҝәнҹин габилиjjәти, ҹидди-ҹәһди, әзмкарлығы вә иманы Ислам Ингилабынын икинҹи ониллиjиндәки ҝәнҹләринкиндән аз деjил, амма буҝүнкү ҝәнҹ тәһлүкәли фикри һәдәләрә мәруз галыр ки, бу jанлыш фикирләр чохлу саjда васитәләр вә рабитә васитәләри илә ҝениш сәвиjjәдә jаjыла билирләр.
Ислам Ингилабынын Бөjүк Рәһбәри сиjаси, игтисади, тәһлүкәсизлик вә һамысындан мүһүму, мәдәни саһәни Ислами Иранын дүшмәнләрлә гаршылашмасы меjданларындан адландырыблар вә вурғулаjыблар ки, дүшмән хүсуси формада мүбаризә апармагдадыр вә там һазырлыг вә онун һиjләләрини өjрәнмәклә дүшмәнлә мүбаризә етмәк лазымдыр.
Диггәт: Хәбәрдән истифадә етдикдә мәнбәjә истинад лазымдыр
