Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Москваја рсми сәфәр едән Иран Ислам Республикасынын Хариҹи Ишләр Назири ҹәнаб Сејјид Әббас Әрагчи журналистләрә Али Рәһбәрин Путинә мәктубунун мәзмуну барәдә данышыб.
О, бу һаггда билдириб: “Мәктубда сон мүһүм глобал һадисәләр вә реҝионал һадисәләр өз әксини тапыб, һәмчинин икитәрәфли мүнасибәтләрә даир мәсәләләрә дә тохунулуб.”
Иран Ислам Республикасынын Хариҹи Ишләр Назири Русија рәсмиләри илә мүзакирә едилән мәсәләләрдән биринә ишарә едәрәк билдириб: “Бу мәсәлә Иранын нүвә програмы илә бағлы АБШ-ла апарылан данышыглар просеси илә әлагәли иди.”
Ҹәнаб Сејјид Әббас Әрагчи әлавә едиб: “Сәфәримиз Ислам Ингилабынын Али Рәһбәринин јазылы месажыны чатдырмаг үчүн чохдан планлашдырылмыш бир сәфәр иди. Бу сәфәр сон һадисәләр вә АБШ-ла бағлы данышыглар фонунда һәјата кечирилди.”
Дк. Әрагчи һәмчинин гејд едиб: “Иран тәрәфи Русијадакы достлары илә нүвә мәсәләсини һәмишә мүзакирә едиб вә јахындан мәсләһәтләшиб. Инди Русија тәрәфи илә буну мүзакирә етмәк үчүн јахшы бир вахт иди.”
О, Иран Ислам Республикасы илә Русија Федерасијасы арасында Һәртәрәфли Стратежи Тәрәфдашлыг Мүгавиләсинин имзаланмасынын ваҹиблијини вурғулајараг, буну ики өлкә арасында әмәкдашлығын ән мүһүм тәзаһүрү кими гијмәтләндириб.
Сејјид Әббас Әрагчи ҹәнаблары һәмчинин Иран Ислам Республикасынын Русија илә бүтүн сәвијјәләрдә икитәрәфли әлагәләри ҝүҹләндирмәк вә ҝенишләндирмәк әзминдә олдуғуну вурғулајыб.
Sizin rəyiniz