Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Сомали вә Сомалинин сепаратчы бөлҝәсинин хариҹи ишләр назирләри ҹүмә ҝүнү ахшам саатларында елан едибләр ки, фәләстинлиләрин Гәззаја көчүрүлмәси үчүн ишғалчл АБШ вә Исраил режимләриндән һеч бир тәклиф алмајыблар. Сомали хариҹи ишләр назири ејни заманда бу мәгсәдлә атылан һәр һансы сәј вә һәрәкәтләри гәти шәкилдә рәдд едиб.
Associated Press даһа әввәл АБШ вә Исраил рәсмиләринә истинадән хәбәр вермишди ки, АБШ вә Исраил һөкумәтләри Гәззадан фәләстинлиләрин көчүрүлмәси үчүн әразиләриндән истифадәни мүзакирә едәрәк Судан, Сомали вә Сомалиланд мухтар бөлҝәсинин рәсмиләри илә әлагә сахлајыблар.
Associated Press-ин мәлуматына ҝөрә, Судан рәсмиләри исә АБШ-ын бунунла бағлы һәр һансы тәклифини рәдд етдикләрини вурғулајыблар. Сомали вә Сомалиланд рәсмиләри дә бунунла бағлы һәр һансы әлагәдән хәбәрсиз олдугларыны гејд едибләр.
Сомалинин хариҹи ишләр назири Әһмәд Моаллем Фаги өлкәсинин "Фәләстин халгынын өз ата-баба торпагларында јашамаг һүгугуну позан һәр һансы бир тәрәфин тәклиф вә ја планыны гәти шәкилдә рәдд етдијини" дејиб. О, Реутерс аҝентлијинә Сомали һөкумәтинин бунунла бағлы һеч бир тәклиф алмадығыны дејиб вә әлавә едиб ки, Могадишу Сомали әразисиндән диҝәр әһалинин көчүрүлмәси үчүн истифадә планына гаршыдыр.
Сомалиланд мухтаријјәтинин хариҹи ишләр назири Әбдүлрәһман Заһир дә “Фәләстинлиләрлә бағлы һеч бир тәрәфлә данышыглар апарылмадығыны” билдириб.
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz