Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмән ингилабынын вә Әнсар-Аллаһ һәрәкатынын руһани лидери Сејјид Әбдүлмәлик Бәдрәддин әл-Һуси АБШ-ын өлкәсинә гаршы нөвбәти тәҹавүзү илә бағлы чыхыш едәрәк, билдириб: “АБШ Јәмәнә гаршы јени һүҹумлар мәрһәләсинә башлајыб.”
Әл-Һуси, АБШ-ын Сәна вә Јәмәнин бир сыра әјаләтләриндә евләри вә јашајыш мәнтәгәләрини бомбаладығына ишарә едәрәк әлавә едиб: “Бу һүҹумлар гадын вә ушагларын да олдуғу онларла инсанын шәһид олмасы илә нәтиҹәләниб. АБШ-ын һүҹумларынын Ислам милләтинин ишғалынын давамыдыр. Американын мәгсәди бәллидир; Исраил дүшмәнини дәстәкләмәк вә горумаг.”
О, Американын Јәмәнә гаршы һүҹумларына даһа да ајдынлыг ҝәтирәрәк деиб: “Американын Јәмәнә тәҹавүзү бизим Фәләстин халгына дәстәк вермәклә бағлы сионист режимин Гәзза халгыны аҹлыгдан өлдүрмәк сијасәтинә гаршы ајдын мөвгејимизи бәјан етдикдән сонра баш верди.”
Әнсар Аллаһ лидери реҝион өлкәләринин Гәззада сионист ҹинајәтләри илә бағлы сусгунлуғуна ишарә едәрәк деди:
“Тәәссүф ки, Мүсәлман вә әрәб өлкәләринин бу мәсәләдә мөвгеји чох сојугдур. Амма әслиндә, Гәзза халыгынын аҹлыгдан өлмәси ҹинајәтинин гаршысыны алмаг үчүн ҹидди аддымлар атмаг Ислам Үммәтинин үзәринә дүшүр.
Дүшшмән сионистләрин Гәзза әһалисини аҹындан өлдүрмәсинин гаршысыны алмаг үчүн һеч бир ҹидди тәдбир ҝөрүлмәјиб.
Инди сионист дүшмән гүввәыәри Гәззәдә сусузлуг јаратмаға вә сујун Гәзза халгына чатмасына мане олмаға чалышыр. Гәзза әһалисини аҹ сахламаг, онлара јемәк вермәмәк бу инсанлара гаршы сојгырым актыдыр.”
Әнсар-Аллаһ лидери әлавә едиб: “Сионист дүшмән гүввәләри Америка Бирләшмиш Штатлары илә әмәкдашлыг едәрәк Гәззада сојгырым төрәтдикдә, биз дуруб буну сејр едә билмәрик. Чүнки, бу гырмызы хәттимиздир.
Бу мөвзуда һәтта гејри-мүсәлманларын да һүгуги вә һуманитар өһдәликләр вар, тәәссүфлә дүнја иҹтимаијјәтиндә һәр кәс өз өһдәликләрини јеринә јетирмир, лакин Ислам Пејғәмбәринин (саллаллаһу алејһи вә алиһи вә сәлләм) бујурдуғу кими, биз бир милләтик.”
Јәмәнин Әнсар-Аллаһ лидери дејиб:
“Јәмәнин Фәләстин халгыны дәстәкләмәк гәрары һуманитар вә дини өһдәликләрин бир һиссәсидир вә һуманитар јардымын Гәззәјә дахил олмасына вә 2 милјон фәләстинлинин аҹлығына сон гојулмасына иҹазә вермәк үчүн тәзјигдир.”
О әлавә едиб:
“Гәззада баш верәнләр диггәтдән кәнарда гала биләҹәк вә ја садәҹә олараг үзәриндән өтүб кечиләҹәк ади бир мәсәлә дејил, даһа чох ҹидди бир мәсәләдир вә Фәләстин халгынын бөјүк бир тәбәгәсинә гаршы бөјүк ҹинајәтдир.”
Сејид Әбдүлмәлик Бәдрәддин әл-Һуси Ислам дүнјасындакы, хүсусән дә әрәб дүнјасындакы режимләрин Гәззаја гаршы зәиф мөвге нүмајиш етдирмәсиндән тәәссүфләндијини билдириб:
“Чүнки сионист дүшмәнин Гәззә халгына гаршы апардығы аҹлыг сијасәтини дајандырмаг үчүн онлар тәрәфиндән һеч бир ҹидди аддым атылмыр ки, бу да инди о һәддә чатыб ки, онлары судан да мәһрум едиб сусузлугдан гырмаг истәјир.”
О, америкалыларын вә исраиллиләрин бөјүк мәгсәдләри вә Ислам үммәтини һәдәф алан ҹинајәткар вә тәҹавүзкар лајиһәләри олдуғуна ишарә едәрәк әлавә едиб:
“Америкалыларын вә исраиллиләрин идеоложи принсипләри, мүстәмләкәчилик мејлләри, гәддар вә ҹинајәткар давранышлары вардыр.”
О әлавә едиб:
“Бизим мөвгемиз Аллаһ Рәсулунун (сәлләллаһу әлејһи в әалиһ) јолунун вә Ислам бајрағынын давамыдыр вә биз бу дөврдә дә Ислами мөвгеләрә вә Аллаһ јолунда ҹиһада садиг галаҹағыг.”
О, Јәмән халгына мүраҹиәт едәрәк дејиб:
“Сиз бу аҹизлик вә тәслим океанында һәгиги Ислам јолунун давамысыныз вә Аллаһын истәдији һагг мәгамы реаллашдырмаг үчүн Ислам бајрағыны уҹалтдыныз.”
О, сонда вурғулајыб:
“Биз тамамилә Аллаһа ҝүвәнирик вә Онун көмәјинә архајыныг. Һәр һансы бир һадисә баш верәрсә, Аллаһын дәстәји вә дүшмәнләрлә гаршылашма тәҹрүбәмиз илә вәзијјәтимиз ҝүҹлү вә сабит галаҹаг.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz