Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Папа Франсискин 2025-ҹи илдә нәшр олунан “Үмид” адлы автобиографијасында о, Ирага сәфәриндән вә онун әһәмијјәтиндән бәһс едиб...
Сонра О, Ајәтуллаһ Сејид Систани илә ҝөрүшмәк үчүн Нәҹәф Әшрәф сәфәриндән данышыр... Дејир: “Ур зијарәтиндән әввәл Шиәлијин тарихи вә мәнәви мәркәзи олан, Пејғәмбәрин әмиси оғлу Әлинин мәгбәрәсинин јерләшдији мүгәддәс Нәҹәф шәһәринә сәфәр етмишдим. Мән орада мәним үчүн чох ваҹиб олан гапалы ҝөрүшдә олмушам, чүнки бу, динләрарасы диалогда вә халглар арасында гаршылыглы анлашмада бир мәрһәләни тәмсил едә биләрди. Ајәтуллаһ Систани мәни өз евиндә гардашҹасына гаршылады, Шәргдә бу сөз вә ја сәнәдләрдән даһа чох мәна дашыјыр.”
Папа Франсиск хатирә китабында Ајәтуллаһ Систани ҹәнаблары илә кечирдији ҝөрүш барәдә “бу, достлуг вә ејни аиләјә мәнсуб олмаг демәкдир. Бу мәни раһатлады вә шәрәфләндирди” кими һиссләрини јазараг билдириб:
“О (Сејјид Систани һәзрәтләри), әввәлләр һеч вахт дөвләт башчыларыны гәбул етмәмишди вә кимин үчүн исә ајаға галхмамышды, лакин о, буну мәним үчүн һәмин ҝүн бир нечә дәфә етди – бу чох ваҹиб иди. Она һөрмәт олараг отағына ҝирәндә ајаггабыларымы чыхардым. О, дәрһал мәни мүдрик вә иманлы, зоракылыға гаршы гајғыкеш вә фәал, зәиф вә мәзлумлара бағлы олан бир инсан кими ҝөрдү.”
Рома Папасы Франсиск даһа сонра кечирдији ҝөрүшү барәдә јазыр:
“О, инсан һәјаты мүгәддәс бир һәјатдыр вә Онун үчүн ән мүһүм мәсәлә Ираг халгынын вәһдәт вә бирлијинин горунмасыдыр. Һисс етдим ки, о, дини сијасәтлә гарышдырмагдан нараһатдыр. “Дөвләт кешишләринә” гаршы бир нөв “һәссаслыг” һисс едирәм, бу, бизим ортаг ҹәһәтимиздир.
Ејни заманда, биз һәр икимиз бөјүк дөвләтләри мүһарибәни дајандырмаға вә мәнтиг илә данышмаға чағырырыг.
Гијмәтли һәдијјә олараг өзүмлә ҝәтирдијим Онун бир кәламы инди дә јадымдадыр: “Инсанлар ја дин гардашдыр, ја да јарадылышда бәрабәрдирләр”. “Гардаш” вә гардашлыг артыг “бәрабәрлик” сөзүнү еһтива едир вә бәрабәрлик ваҹибдир. Мәһз буна ҝөрә дә сүлһә ҝедән јолун һеч вахт тыхаҹларла долмамасыны, һамынын бир-биринә дәрин һөрмәтлә ејни истигамәтдә ҝетмәсини тәмин етмәк чох ваҹибдир.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
