Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Һәзрәт Фатимеји-Зәһранын (с.ә) мөвлуду ҝүнүндә бир груп Әһли-Бејт (ә) мәддаһы 22.12.2024-ҹү ил тарихдә базар ҝүнү сәһәр саатларында Ислам Ингилабынын Рәһбәри Ајәтуллаһ Хаменеи илә ҝөрүшүбләр.
Имам Хаменеи бу ҝөрүшдә Американын дүнја һөкумәтләри үчүн мәкирли програмыны ачыглајараг билдириб:
"Американын өлкәләрә һаким кәсилмәк програмы бу икисиндән биридир: ја онларла сазиш едән, диалога ҝирән вә өлкә мәнафеләрини араларында бөлүшдүрән фәрди диктаторлуг һөкумәти јаратмагдыр, ја да һәрҹ-мәрҹлик вә иғтишаш иҹад етмәк. Суријада исә иғтишаша ҝәтириб чыхардылар".
О Һәзрәт Иран халгынын иғтишаш едәнләри әзәҹәјини билдирәрәк вурғулајыблар:
"Америка рәсмиләринин бир үнсүрү дејир ки, Иранда иғтишаш едән һәр кәсә биз көмәк едәрик. Иран милләти бу зәминдә Америка муздурлуғуну гәбул едән һәр кәси өз мөһкәм ајаглары алтында әзәҹәкдир".
Ингилаб Рәһбәри мүгавимәтин кимин үчүн исә дејил мәһз иманына ҝөрә дөјүшдүјүнү вурғулајараг бујурублар:
"Дејирләр ки, Иран реҝиондакы нијабәти (прокси) гүввәләрини әлдән верди, һалбуки Иранын нијабәти гүввәләри јохдур. Јәмәни дөјүшә иманы, Һизбуллаһ, ҺӘМАС вә Фәләстин Ислами Ҹиһадыны исә әгидәләри вадар едир".
Ајәтуллаһ Хаменеи Иранын нијабәти гүввәләрә еһтијаҹынын олмадығыны гејд едәрәк билдирдиләр:
"Иран Ислам Республикасынын нијабәти (прокси) гүввәләри јохдур. Биз әҝәр бир ҝүн дүшмәнә гаршы дөјүшә галхмаг истәсәк, прокси гүввәләрә еһтијаҹ јохумуздур".
О Һәзрәт суријалы ҝәнҹләрин дүшмән мүгабилиндә әзмлә дајанмалы олдугларыны вурғулады:
"Суријалы ҝәнҹин әлдән верәҹәји бир шеји јохдур. Университети, мәктәби, еви вә үмумијјәтлә, һәјаты әмнијјәтсиздир. Јахшы, нә етсин? Бу әмнијјәтсизлији планлашдыран вә мејдана ҝәтирәнләрин гаршысында мөһкәм әзмлә дајанмалыдыр вә иншаллаһ, онлара галиб ҝәләҹәкдир".
Ингилаб Рәһбәри сионистләрин һеч бир гәләбәјә јетишмәдијини хатырладараг гејд етдиләр:
"Сионист үнсүрү өзүнү галиб ҝөстәрир, бәдбәхт! Сиз һарада гәләбә газандыныз? Гәззада галиб ҝәлдиниз? ҺӘМАС-ы мәһв етдиниз? Јохса өз әсирләринизими азад етдиниз? Гырх нечә мин инсаны өлдүрсүн, лакин бир һәдәфини белә һәјата кечирә билмәсин, будурму гәләбә?!"
Имам Хаменеи сөзләринин давамында белә бујурду:
"Сиз сионистләр галиб дејилсиниз, әксинә, мәғлубсунуз. Бәли, Суријада гаршынызда тәкҹә бир силаһлы әсҝәр белә олмады вә бир нечә километр ирәлиләјә билдиниз. Бу, гәләбә дејил вә тәбии ки, Суријанын шүҹаәтли вә гејрәтли ҝәнҹләри, шүбһәсиз, сизи бурадан говуб чыхараҹаглар".
Гәрби Асијанын сабаһы јахшы олаҹағыны гејд едән о Һәзрәт белә гејд етдиләр:
"Гәрби Асија реҝионунун сабаһы Аллаһын лүтфү илә буҝүнкүндән даһа јахшы олаҹагдыр".
Диггәт: Лүтфән Хәбәрдән Истифадә Етдикдә Мәнбәјә Истинад Един!
