Әһли-Бејт
(әлејһимус сәлам) – Бејнәлхалг Хәбәр Аҝентлији- АБНА: Ислам Ингилабынын Алимәгам
рәһбәри Һәзрәт Ајәтуллаһүл-үзма Хаменеи Ливан Һизбуллаһынын баш катиби Һөҹҹәтүл-ислам
вәл-мүслимин Сејид Һәсән Нәсруллаһын шәһид едилмәси мүнасибәти илә мүраҹиәт едиб.
Мүраҹиәтин там мәтнинин тәрҹүмәсини тәгдим едирик:
Бисмиллаһир-Рәһманир-Рәһим
Инна Лиллаһ вә Инна Иләјһи Раҹиун
Әзиз Иран халгы!
Бөјүк ислам үммәти!
Бөјүк Мүҹаһид, реҝионда мүгавимәтин бајрагдары, фәзиләтли дини алим вә узагҝөрән сијаси лидер ҹәнаб Сејид Һәсән Нәсруллаһ Ризванүллаһ әләјһ, Ливанда дүнән ҝеҹә баш верән һадисәләрдә Шәһадәт сәадәтинә наил олду вә мәләкута учду.
Мүгавимәтин әзиз сејјиди он илләр боју Аллаһын јолунда етдији ҹиһадын вә онун чәтинликләринин мүкафатыны мүгәддәс бир дөјүшдә алды. Елә бир һалда шәһид олду ки, Бејрутун Заһијјә бөлҝәсиндә евләри дағыдылмыш, әзизләри өлдүрүлмүш, пәнаһсыз әһалини мүдафиә үчүн програм һазырлајырды. Елә он илләр боју шәһәр вә кәндләри гәсб олунмуш, евләри дағыдылмыш вә әзизләри гәтлә јетирилмиш мәзлум Фәләстин халгыны мүдафиә уғрунда лајиһәләшдирмә вә ҹиһад апардығы кими. Бу гәдәр мүҹаһидлик етдикдән сонра Шәһадәт сәадәтинә наил олмаг онун һаггы иди.
Ислам дүнјасы бөјүк бир шәхсијјәти, мүгавимәт ҹәбһәси өнәмли бир бајрагдары вә Ливан Һизбуллаһы мисли аз ҝөрүнмүш бир рәһбәри итирди, анҹаг онун чох иллик идарәчилик баҹарығы вә ҹиһадынын бәрәкәтләри һеч вахт итирилмәјәҹәк. Онун мүгавимәтин диҝәр мәркәзләрини истигамәтләндирән Ливанда гојдуғу тәмәл онун јохлуғунда нәинки итирилмәјәҹәк һәтта онун вә диҝәр шәһидләрин ганынын бәрәкәти сајәсиндә даһа да мөһкәмләнәҹәкдир. Мүгавимәт ҹәбһәсинин сионист режимин чүрүк вә чөкмәкдә олан вүҹүдуна вурулан зәрбәләри Аллаһын көмәји вә гүдрәти илә даһа да мөһкәмләнәҹәк. Бу һадисәдә сионист режимин чиркин заты гәләбәјә наил олмајыб.
Мүгавимәт Сејјиди, бир фәрд дејилди, бир јол вә мәктәб иди вә бу јол бундан сонра да давам едәҹәк. Шәһид Сејид Аббас Мусәвинин ганы јердә галмады, Шәһид Сејид Һәсәнин дә ганы јердә галмајаҹаг.
Бундан өнҹә оғлу Сејид Һадини дә Аллаһын јолунда верән Әзиз Сејјидин һәјат јолдашына, әзиз өвладларына вә бу һадисәнин шәһидләринин аиләләринә вә Һизбуллаһын һәр бир үзвүнә вә Ливанын әзиз халгы вә јүксәк рәсмиләринә, бүтүн мүгавимәт ҹәбһәсинә вә бүтүн ислам үммәтинә бөјүк Нәсруллаһын вә шәһид јолдашларынын шәһадәтини тәбрик вә башсағлығы верирәм вә Ислами Иранда беш ҝүнлүк үмуми матәм елан едирәм. Аллаһ онлары өвлијалары илә мәһшур етсин!
Вәссәламу әла ибадиллаһил салиһин
Сејид Әли Хаменеи
1403.07.07
Диггәт: Хәбәрдән Истифадә Етдикдә Мәнбәјә Истинад Лазымдыр!
