Авропа Парламентинин гејри-дүзҝүн һәрәкәтинә тохунан Һүсејн Әмир-Абдуллаһијан Исвеч парламентинин Ислам Ингилабы Кешикчиләри Корпусу-Сепаһ-ла бағлы аддымыны кәскин тәрздә писләјиб. Билдириб ки, өлкәнин сәрһәд вә милли тәһлүкәсизлијини горумаг мәсулијјәти дашыјан Ислам Ингилабы Кешикчиләри Корпусу бир һөкумәт органыдыр вә реҝионда терроризмлә мүбаризәдә чох бөјүк рол ојнајыр.
Бу аддым Иран халгы тәрәфиндән рәдд олунан террорчу үнсүрләрин тәһрики илә атылыб- дејә, Әмир-Абдуллаһијан вурғулајыб.
Телефон сөһбәтиндә тәрәфләри марагландыран реҝионал вә глобал мөвзулар, еләҹә дә нүвә анлашмасы илә әлагәдар олајлар нәзәрдән кечирилиб.
Иран Ислам Республикасынын бир Ирланија вәтәндашыны сәрбәст бурахмаг үзрә һуманист гәрарына ҝөрә миннәтдарлыг ифадә едән Ирландијанын хариҹи ишләр назири Мајкл Мартин өлкәсинин Теһранла әмәкдашлыг үзрә әзмкарлығына тәкид едиб.
Ирландија һеч вахт бир һөкумәт органы олан Иран Ислам Ингилабы Кешикчиләри Корпусу барәдә гејри-дүзҝүн фикрин билдирилмәсинә мараглы дејилдир. Биз Иранын терроризмлә мүбаризәдәки ролундан хәбәрдарыг- дејә, Ирландијанын хариҹи ишләр назири билдириб.
Ҹәнаб Мартин Иран илә Атом Енержиси үзрә Бејнәлхалг Аҝентлијин әмәкдашлыг ҝедишатындан вә Ирана гаршы санксијаларын ләғви истигамәтинә јөнәлмиш сәјләрдән разылыг едиб. Билдириб ки, өлкәси бу просеси алгышлајыр.
342/
