Иран Ислам Ҹүмһуријјәтинин Президенти Һөҹҹәтүл-ислам вәл-мүслимин Сејјид Ибраһим Рәиси 30-ҹу Бејнәлхалг Гурани-Кәрим сәрҝисинин вә Гуран хидмәтчиләринин тәгдир олунма мәрасиминин ачылышындан габаг сәрҝинин мүхтәлиф һиссәләрини зијарәт едиб.
Бу сәфәр заманы һөрмәтли президентә Иранын мүхтәлиф иҹтимаи вә дөвләт секторларында Гурани-Кәримин ән сон наилијјәтләри барәдә мәлумат верилиб.
Бу сәфәрдә президент апаратынын рәһбәри Гуламһүсејн Исмаили, мәдәнијјәт вә ислами иршад назири Мәһәммәд Меһди Исмаили вә Гуран сәрҝисинин мүхтәлиф бөлмәләринин рәһбәрләриндән ибарәт бир груп иштирак едиб.
Ајәләр бөлмәси, Гуран јениликләри вә билик бөлмәси, Нәһҹүл-бәлағә бөлмәси, гејри-һөкумәт тәшкилатлары бөлмәси, дөвләт гурумлары вә тәшкилатлары бөлмәси вә с. президентин зијарәт етдији бөлмәләр арасында олуб.
30-ҹу бејнәлхалг Гурани-Кәрим сәрҝиси апрелин 1-дән 15-дәк Имам Хомејни (рәһ) мүсәлласында 75 мин квадратметр әразидә вә 49 бөлмә вә комитәдә кечириләҹәк. Бу сәрҝинин зијарәт вахты 17:00-дан 24:00-а кими олаҹаг.
342/
