Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Русија Федерасијасы
вә Чин мүтәмади олараг дәниздә вә һавада бирҝә патрул хидмәти, еләҹә дә бирҝә тәлимләр
кечирмәк барәдә разылыға ҝәлиб.
Бу барәдә Русија вә Чин лидерләри Владимир Путин вә Си Ҹинпинин данышыгларынын јекунлары илә бағлы имзаланан бирҝә бәјанатда билдирилиб.
Гејд олунуб ки, Русија вә Чин НАТО-нун Асија-Сакит Океан реҝиону өлкәләри илә һәрби мәсәләләрлә бағлы әлагәләринин ҝүҹләнмәсиндән бөјүк нараһатлыг ифадә едирләр.
"Москва вә Пекин БМТ Тәһлүкәсизлик Шурасындан јан кечмәклә тәтбиг едилән бүтүн биртәрәфли санксијалара гаршыдыр.
Русија Федерасијасы вә Чин Украјнада ҝәрҝинлијин артмасына вә һәрби әмәлијјатларын узанмасына сәбәб олан бүтүн аддымлары дајандырмаға чағырыр.
Русија вә Чин НАТО-ну диҝәр дөвләтләрин суверенлијинә вә онларын марагларына һөрмәт етмәјә чағырыр.
Русија “ваһид Чин” принсипинә садиглијини бир даһа тәсдигләјир вә Тајванын Чинин ајрылмаз һиссәси олдуғуну гәбул едир", дејә бирҝә бәјанатда гејд олунуб.
Диггәт: Хәбәрдән Истифадә Етдикдә Мәнбәјә Истинад Лазымдыр!
