18 феврал гијам Ислам Ингилабы тарихиндә биринҹи силсилә һалга иди ки, ону 1978-ҹи ил јанварын 9-да Гум әһалисинин ардыҹыл гијамларына бағлајырды. О заман Пәһләви режими тәрәфиндән Гумда төрәдилән фаҹиәнин 40-ҹы ҝүнүндә Иранын һәр бир јериндә әһали өзүнү бу мәрасими кечирмәјә һазырлады. Тәбриз шәһәриндә исә әһали Гызыллы мәсҹидиндә бир араја ҝәләрәк режимә гаршы кәскин етиразыны нүмајиш етдирди. Онун ардынҹа Тәбриз әһалисинин бөјүк гијамы кулминасија нөгтәсинә чатараг шәһәрдә гаршыдурма баш верди. Беләликлә дә Гум әһалисинин ганлы 9 јанвар гијамынын ардынҹа режимин төрәтдији ҹинајәтләрә диҝәр бир ҹинајәт әлавә олунду. Халг гијамында 13 тәбризли шәһид олду, 125 нәфәр исә јараланды. О заман Нәҹәф-Әшрәфдә сүрҝүндә олан Иран ислам Ингилабынын баниси Имам Хомејни Һәзрәтләри Тәбриз әһалисинә јазылы мүраҹиәт едәрәк онлара гәләбә мүждәси верди . Һәзрәт Имам Хомејни (р.ә)-ин мүраҹиәтиндә дејилирди: “Тәбриз әһалисинин диндар вә шүҹаәтли әһалисинә салам олсун. Тәбризин гејрәтли вә ҝәнҹ иҝидләринә салам олсун. Пәһләви режиминин тәһлүкәли сүлаләсинин гаршысында гијам едиб шаһа өлүм шүары верәрәк онун ҹәфәнҝијјатына хитам верән Тәбриз әһалисинә салам олсун. Мән һансы бир диллә һөрмәтли Тәбриз әһалисинә вә бу гијамда мүсибәт ҝөрмүш ата-аналара неҹә тәсәлли верә биләрәм. Гум фаҹиәсинин ағрылары һәлә јаддашымыздан силинмәмиш Тәбриз фаҹиәси баш верди. Мән Азәрбајҹанын бөјүк әһалисинә гәти гәләбә мүждә верирәм.” Әслиндә Тәбризин бу тарихи гијамы сүбута јетирди ки , Тәбриз әһалиси вә Иранын азәри диллиләрини Әһваздакы әрәбләр ја өлкәнин күрд, фарс , ҝиләк вә Мазандаран әһалиси илә бирләшдирән јеҝанә сәда мәһз мүгәддәс Ислам динидир. Беләликлә дә Ислам Ингилабынын гәләбәсиндә хүсуси әһәмијјәтә малик олан 29 Бәһмән, 18 Феврал гијамы Иран халгынын дини характерли һәрәкатында хүсуси чәкијә маликдир. Бу тарихи һадисәнин вәһдәт-јарадыҹы вә Иранда Ислам һәрәкатына тәкан верән амил олмасы нәзәрә алынараг һәр ил 18 Феврал гијамы милли сәвијјәдә гејд олунур. Бунунла әлагәдар бир нечә илдир ки, Шәрги Азәрбајҹан әһалисинин нүмајәндәләри Ислам Ингилабынын Бөјүк Рәһбәри Һәзрәти Ајәтуллаһүл-Үзма Хаменеинин гәбулунда олараг о һәзрәтлә вә ингилабын амаллары илә бејәтини тәзәләјир, бундан сонра да Ислам Ингилабынын дәјәрләри јолунда һәр ҹүр ҹанфәшанлыға һазыр олдуғуну елан едирләр. Ингилаб Рәһбәринин төвсијәләринә ҝөрә, 29 бәһмән Тәбриз гијамы өлкәнин мүхтәлиф тәбәгә вә гөвмләринин бағлылығы нишанәсидир. Бу сәбәбдән дә 29 Бәһмән гијамынын бирлик, һәмрәјлик вә аһәнҝдарлыг мүраҹиәти һеч вахт унудулмамалыдыр. О һәзрәт сонра Тәбриз әһалисинин 29 бәһмән гијамынын тәһлилиндә бу һадисәнин чохлу сајда дәрсләр вә ибрәтләрә малик олдуғуну билдирәрәк, бујурмушлар: 29 бәһмән гијамынын биринҹи дәрси, Тәбриз вә Азәрбајҹан әһалисинин габарыг өзәлликләри вә хүсусијјәтләринин нүмајиши олубдур. Бу гијам ҝөстәрди ки, бир халгын мөһкәм ирадәси гаршысында һеч бир манеә вә бөјүк гүдрәт дајана билмәз. Бунунла да ајдын олур ки, Ислам Ингилабынын гәләбәсиндә хүсуси әһәмијјәтә малик олан 29 Бәһмән, 18 Феврал гијамы Иран халгынын дини характерли һәрәкатында хүсуси чәкијә маликдир.
342/
