Рәсми органларын билдирдикләринә ҝөрә, Суријада зәлзәлә гурбанларынын сајы азы 4037 нәфәрә чатыб. Алты мин јүз нәфәрдән чох инсан да јараланыбдыр.
Зәлзәләдән зәрәр чәкмиш бөлҝәләрдә учгунларын галдырылмасы илә јениләнән Түркијә вә Суријада өлән вә јаралананларын сајынын рәсми шәкилдә билдирилмәсинә рәғмән, Үмундүнја Сәһијјә Тәшкилаты вурғулајыбдыр ки, еһтимал үзрә сөзүҝедән тәбии фәлакәтдә ијирми мин нәфәрә јахын инсан һәјатыны итириб.
Түркијәнин ҹәнуб бөлҝәләриндә ҝүҹлү јералты тәканын баш вермәсинин ардынҹа Әрдоған бу өлкәнин Адана, Адыјаман, Дијарбәкир, Газиантеп, Гәһрәманмараш, Килис, Малатија, Османијјә, Һатај вә Шанлы Урфа-ја шамил олан бәзи әјаләтләриндә фөвгәладә вәзијјәт елан едиб.
Бу елан јерли рәсмиләр вә ганун иҹрачысы олан органларын ихтијарларынын артмасына, һөкумәтин дә ишләри даһа јахшы идарә едә билмәк үчүн сөзүҝедән бөлҝәләрдә бәзи ганунларын иҹрасыны ләғв вә ја јени ганунлар тәтбиг етмәсинә сәбәб олаҹаг
342/
