О, Иранын Украјнадакы мүһарибә илә бағлы принсипиал мөвгејинә тохунараг, һәрби мүнагишәнин дајандырылмасы вә мүнагишәнин диалог јолу илә һәллинин зәрурилијини дәфәләрлә вурғулајараг, дејиб: "Украјна һөкумәти Ираны јалан бәјанатлар әсасында Гәрб тәрәфдашларыны тәһрик едәрәк Украјна мүһарибәси заманы Русијаја силаһ јардымы ҝөстәрмәкдә иттиһам етсә дә, һәлә ки, иддиасыны сүбут едәҹәк һеч бир сәнәд тәгдим едә билмәјиб".
Мәлуматлы мәнбә Иранын дәфәләрлә Украјна тәрәфи илә бирҝә ҝөрүш кечирмәк ҹәһдләринә тохунараг, дејиб: "Ики өлкәнин сијаси вә һәрби експертләри арасында Гәтәрдә кечирилән сон бирҝә ҝөрүшдә Украјна тәрәфи буну сүбут едәҹәк һеч бир сәнәд тәгдим етмәјиб вә сәнәдләрин нөвбәти ҝөрүшләрдә тәгдим олунмасы разылашдырылыб".
О, Украјнанын Исфаһандакы Мүдафиә Назирлијинин емалатхана комплексинә бир нечә кичик дронла һүҹумда иштиракынын Зеленскинин мүшавири тәрәфиндән үстүөртүлү шәкилдә гәбул едилмәсини мәсулијјәтли вә һүгуги етираф кими гијмәтләндириб вә вурғулајыб: "Украјнанын Иранын милли тәһлүкәсизлијинә тәһдид олдуғуну вурғуламасы, Украјнадакы мүһарибә илә бағлы Иран Ислам Республикасынын мөвгеләринин дәјишмәсини арашдырмаг вә Кијев һөкумәтинин давранышына ујғун јени јанашманы гәбул етмәк үчүн әсас ола биләр".
342/
