бу барәдә Русијанын Риа Новости хәбәр аҝентлији мәлумат вериб.
Мәлумата ҝөрә, Алманија Хариҹи Ишләр Назирлији Түркијәдәки вәтәндашларына етдији хәбәрдарлыгдан сонра Алманијанын Истанбулун мәркәзиндәки Баш Консуллуғунун террор актлары рискинин артмасы сәбәбиндән бу ҝүндән етибарән бағланылаҹағыны ачыглајыб.
Сон һәфтәләр бәзи Авропа өлкәләриндә, о ҹүмләдән Исвечдә ифрат сағчы груплар Гурани-Кәрими тәһгир едиб вә бу ҹүр тәһгирамиз һәрәкәтләр Түркијәдә мүсәлманларын гәзәбинә сәбәб олуб.
Бу арада Алманија Федерал Хариҹи Ишләр Назирлији өз вәтәндашларына Истанбулун Бәјоғлу бөлҝәсиндә вә Таксим мејданы әтрафында јүксәк һүҹум риски илә бағлы хәбәрдарлыг едиб вә бунунла әлагәдар, вәтәндашларына чох ајыг-сајыг олмағы, топлашмагдан вә баҹардыглары гәдәр иҹтимаи јерләрә ҝетмәкдән имтина етмәји төвсијә едиб.
Өтән һәфтә Алманија, Исвеч, Норвеч вә Данимарка, еләҹә дә Америка Бирләшмиш Штатлары өз вәтәндашларына Түркијәдә мүмкүн һүҹум риски илә бағлы хәбәрдарлыг едибләр.
342/
