"АБНА", "Мәҹалат" сајтына истинадән хәбәр верир ки, Һиндистан һакимијјәти тәхминән беш әср әввәл инша едилмиш тарихи Шаһи мәсҹидинин бөјүк бир һиссәсини јолун ҝенишләндирилмәси бәһанәси илә сөкүб. Бундан сонра Уттар Прадеш әјаләтинин Аллаһабад бөлҝәсинин мүсәлманлары бу һадисәјә гәзәбләнибләр.
Сосиал фәаллар сосиал шәбәкәләрдә булдозерләрин бу мәсҹидин бөјүк бир һиссәсини дағытдығыны ҝөстәрән видео јајымлајыблар.
Бу иҹтимаи фәаллардан бири Һиндистан һөкумәтинә мүраҹиәт едәрәк дејиб: "Бу һөкумәт хараб вә виран етмәкдә һејрәтамиз шәкилдә ишләјир. Бу да нифрәтдән башга һеч нә јарада билмәз".
Һиндистан полиси дә өз нөвбәсиндә бу дағынтыја һагг газандырыб вә елан едиб ки, бу аддым әсас јолун инкишафы үчүн зәруридир. Бу мәсҹидин индики јери буна мане олурду.
Һиндистан һөкумәти бу мәсҹидин гејри-гануни олараг һөкумәт торпагларында тикилдијини иддиа едир. Мәсҹидин мәсул шәхсләри исә һөкумәтин иддиасынын јалан олдуғуну дејирләр. Чүнки онларын мәсҹиди узун мүддәтдир ки, орададыр.
342/
