Игтисади Әмәкдашлыг Тәшкилатынын (ИӘТ) баш катиби Хосров Назири Әрдәбил вилајәтинин Мәдәни Ирс, Туризм вә Әл Ишләри Сәнајеси Баш Идарәсинин мүвәггәти сәдри илә ҝөрүшдә әлавә едиб ки, бир шәһәрин ИӘТ-ин туризм пајтахты сечилмәсиндә мәгсәд ИӘТ үзвләринин туризм шәһәрләринин бу имканлардан истифадә етмәк вә туризми инкишаф етдирмәкдир.
Игтисади Әмәкдашлыг Тәшкилатына үзв дөвләтләрин туризм назирләри бу өлкәләр арасында мүштәрәк туризми инкишаф етдирмәк мәгсәдилә 2019-ҹу илин октјабрында Таҹикистанын Хоҹәнд шәһәриндә кечирилән топлантыда Әрдәбили 2023-ҹү ил үчүн туризм пајтахты сечибләр.
Һүндүр, күләкли јајлада узанан Әрдәбил зәнҝин тәбии ҝөзәлликләри, гонагпәрвәр инсанлары, ипәк вә халча тиҹарәти әнәнәләри илә мәшһурдур. Бурада һәм дә ЈУНЕСКО-да гејдијјатдан кечмиш Шејх Сәфи әд-Дин Ханәҝаһы јерләшир.
Гышда шахталы, јајда мүлајим олан әјаләт һәр ил минләрлә инсаны өзүнә ҹәлб едир. Әрдәбил шәһәри адәтән гышда өлкәнин ән сојуг шәһәрләриндән бири кими гејдә алыныр.
342/
