Мәлумата ҝөрә, тәрәфләр "Штатла Тәрәфдашлыг Програмы" чәрчивәсиндә һәрби әмәкдашлығын ҹари вәзијјәти вә перспективләрини, һәмчинин гаршылыглы мараг доғуран диҝәр мәсәләләри мүзакирә едибләр.
К.Вәлијевин бачшчылыг етдији нүмајәндә һејәти нојабрын 28-дән АБШ-да сәфәрдәдир. О АБШ Бирләшмиш Гәрарҝаһлар Рәисләри Комитәси рәисинин биринҹи мүавини адмирал Кристофер Грејди илә дә тәһлүкәсизликлә бағлы мүзакирәләр апарыб.
Оху аз Кәрим Вәлијевин АБШ сәфәри барәдә дәрҹ етдији шәрһдә јазыр ки,Ҝенерал-полковникин сәфәри фонунда ики мәгам ҝөзә чарпыр:
1. Исраил Мүдафиә Гүввәләринин Баш Гәрарҝаһ рәиси Авив Коһави нојабрын 20-дә АБШ-а бешҝүнлүк сәфәрә ҝетди вә Мәркәзи Кәшфијјат Идарәсиндә, Пентагонда Ираны мүзакирәләрин еписентринә ҝәтирди;
2. Бунун ардынҹа, АБШ вә Исраилин авиасија гүввәләри Аралыг дәнизи үзәриндә Иранын нүвә тәсисатларыны шәрти һәдәф кими гојараг онлары “вурмаг” үчүн тәлим кечдиләр.
Оху.аз Кәрим Вәлијевин Коһавинин АБШ сәфәри вә “Иранын бомбардман едилмәси” фонунда АБШ-а ҝедишинин бир нечә прогноз үчүн ипуҹлар олдуғуну билдирир вә белә әлавә едир: “АБШ Азәрбајҹанла һәрби әмәкдашлыг форматыны јениләјәҹәк вә јахын ҝәләҹәкдә бунун практики тәзаһүрләри ҝөрүнәҹәк.
Исраил бу әмәкдашлығын о нөгтәсиндә дајанаҹаг ки, әсасән, Ирана гаршы һәрби тәдбирләр заманы өз истәдијини бу реҝион үзәриндән ҝерчәкләшдирә билсин.
Азәрбајҹан-АБШ-Исраил ҝизли форматынын ҝизли тәшәббүскарлары сырасында Бөјүк Британија вә Түркијә јер алыр.
Оху.аз өз шәрһини белә јекунлашдырыр: Вәлијев Бакыја гајытдыгдан сонра Анкара-Бакы тәмасларында һәрби ҝүндәлик АБШ сәфәринин јекунларына ујғун олараг мүзакирәјә чыхарылаҹаг.
Беләликлә интернет нәшри Азәрбајҹан Республикасынын АБШ вә сионист Исраил режими илә бирликдә Ирана гаршы иттифаг јаратмасыны етираф етмиш олуб.
342/
