Иран Хариҹи Ишләр Назирлијинин сөзчүсү Насир Кәнани чәршәнбә ҝүнү Твиттердә јазыб: "Иранын тәһлүкәсизлијинә вә милләтинә гаршы зоракылыг вә иғтишашлары сәрбәст шәкилдә тәшвиг едән бир хәбәр шәбәкәсинә ев саһиблији едән вә дәстәкләјән бир режимин хариҹи ишләр назири иддиа едир ки, Британија һөкумәти “азад вә дүрүст журналистиканын әһәмијјәтинә инанылмаз дәрәҹәдә ҹидди јанашыр".
Иран рәсмиси әлавә едиб: "Ҹәнаб назир, сиз бу јаланчы шүарларла Иран милләтинә гаршы ишләјән дөјүш отағына рәсми дәстәк верирсиниз".
Британијанын хариҹи ишләр назири Ҹејмс Клеверлј Сәудијјә Әрәбистанына мәхсус "Әл-Шәрг Әл-Өвсәт" гәзети илә мүсаһибәдә мүдахиләчи ачыгламаларын давамында бу өлкәдә јерләшән вә сон ики ајда мүдахиләчи вә сахта хәбәрләр јајараг, Ирандакы иғтишашлары гызышдырмагла мәшғул олан фарсдилли медијаја дәстәк верәрәк, дејиб: "Британијадакы инсанларын тәһлүкәсизлији бизим үчүн сон дәрәҹә әһәмијјәтлидир вә Британија һөкумәти азад вә дүрүст журналистиканын әһәмијјәтинә инанылмаз дәрәҹәдә ҹидди јанашыр".
Бундан әввәл Британија Хариҹи Ишләр Назири Иранда баш верән сон иғтишашлардан сонра иғтишашчылары дәстәкләмишди. Бунунла бағлы бу өлкә Иранын бир сыра рәсми вә гурумларына гаршы да санксијалар тәтбиг едиб.
342/
